GTA 6 do të zhvillohet gjithashtu në disa qytete
GTA 6 do të zhvillohet gjithashtu në disa qytete
Një leak i ri i Grand Theft Auto 6 thotë se loja do të zhvillohet në dy qytete, do të ketë dy personazhe kryesorë dhe gjithashtu tregon dhe se kur do të zyrtarizohet loja.
GTA V u lançua në shtator të 2013 dhe ndërkohë që Rockstar Games vazhdon të punojë me lojën, kjo nuk i ka ndaluar fansat e serisë të mendojnë se cila do të jetë loja e ardhshme dhe se çfarë do të ndodhë në të.
Tani, një përdorues i subreddit të r/GTA6 thotë se ka informacion mbi lojën, duke postuar informacion mbi vendndodhjet, protagonistët, pika kyç të lojës dhe më shumë.
Sipas përdoruesit të Reddit u/Temperaturerising45, GTA 6 do të zhvillohet në dy qytete: Las Venturas që është i bazuar tek Las Vegas dhe San Fierro që është versioni i Rockstar i San Francisco. Leaker-i thotë se harta do të jetë katër herë më e madhe se ajo e GTA 5 dhe se vende interesante si Area 51 dhe Diga Hoover do të jenë pjesë e saj.
Leaker-i gjithashtu thotë se pjesa e brëndshme e ndërtesave do të jetë një prej veçorive më të mëdha të shtuara në këtë lojë. Edhe pse nuk mund të futesh në çdo ndërtesë, ai beson se qëndrat tregtare, komisariatet, fast food-et, restorantet dhe karburantet do t’i lejojnë lojtarët brenda tyre.
Për sa i përket personazheve kryesorë të historisë, ky burim thotë se do të ketë dy protagonistë këtë rradhë, një mashkull dhe një femër dhe se eventet e rastësishme të lojës do të jenë më të larmishme, duke nisur nga funeralet e deri te festat famijlare.
Temperaturerising45 thotë se në lojë do të ketë gjithashtu dy lloje të ndryshme dyqanesh armësh, ku Ammunation do të shesë armë normale ndërsa lojtarët mund të gjejnë në “tregun e zi” armë më të çmendura si raket-hedhësa dhe tritol.
Heists dhe bizneset gjithashtu rikthehen, ndërkohë që loja do të ketë më shumë minigames brenda saj, duke nisur nga lojërat e karnavaleve te bixhozi, rafting në lume dhe bowling, që padyshim është bërë meme që prej kohës së Roman në GTA 4.
Nëse po shpresoni që loja të lançohet në të ardhmen e afërt, ka lajmë të këqija, pasi Temperaturerising thotë se loja do të zbulohet zyrtarisht në vjeshtën e 2020, pra ajo nuk do të lançohet përpara 2021.
Ideja është që loja do të mbetet në San Andreas, duke ndryshuar planet e mëparshme të Rockstar me GTA që ka kaluar nga Londra në Vice City, më pas në Liberty City, duke mos kaluar dy herë rradhazi në të njëjtin vend.
Padyshim që nuk ka asnjë mënyrë për të verifikuar vërtetësinë e këtij postimi dhe ka pasur shumë leaks të ndryshëm për GTA 6. Duke parë se analistët thonë se loja nuk pritet të vijë këtë vit, do të na duhet të presim për disa kohë derisa diçka të zyrtarizohet.