Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Parashikohet se loja nuk do të vijë përpara 2022-shit.
Mund të biem të gjithë dakord kur themi se Grand Theft Auto 6 është loja më e pritur e momentit nga të gjithë. Është e vërtetë se ka plot lojëra të tjera që do të bëjnë debutimin e tyre këtë vit, ose në një të ardhme të afërt të themi që janë shumë të kërkuara nga publiku, por asnjëra prej tyre nuk ka të njejtën lidhje me lojtarët si GTA 6. Që në fillimet e saj të gjithë gamer-at janë rritur me të dhe mund të themi se ajo është rrënjosur në mendjet e tyre si më shumë se një lojë, por si një trajtë mjeti nostalgjik që ju kujton kohëra më të mira.
Vetë fakti që Rockstar solli në treg Red Dead Redemption 2 para një viti i bëri lojtarët të mendojnë se nuk do të kishin shumë për të pritur që të shikonin edhe vazhdimin e serive të GTA në të ardhmen Fundja kanë kaluar plot gjashtë vite që nga Grand Theft Auto 5 dhe një person normal do të thoshte se është një periudhë pritjeje mëse e konsiderueshme për një lojë, por të gjithë ne këtu e njohim Rockstar. Një kompani që ose i realizon gjërat në mënyrë perfekte ose nuk i realizon fare.
Sado që leaks-at kohët e fundit mund të kenë indikuar se Grand Theft Auto 6 do të ishte më afër nga çfarë mendonim ne, analistët nuk mendojnë të njejtën gjë rreth kësaj tematike. Është pikërisht raportimi i fundit nga Alex Giaimo që sugjeron se GTA 6 nuk do të lançohet para vitit 2022. Me një matematikë të thjeshtë i thonë edhe tre vite të tjera pritje për një nga lojërat më të kërkuara të momentit.
Ka kaq shumë hype momentalisht rreth një lojë që edhe ende e panjoftuar zyrtarisht. Mund të themi se GTA 6 është një nga lojërat më të pritura ndonjëherë nga lojtarët dhe sigurisht që kjo vjen nga suksesi i madh që kanë patur paraardhëset e saj. GTA 5 ka ende me miliona fansa që e luajnë edhe sot e kësaj dite. Pse? Sepse për të sjellë një produkt të mirë duhet kohë dhe kjo është pikërisht ajo çfarë Take Two dhe Rockstar kanë patur si parim kryesor mbi çdo lojë.
Analisti Alex Giaimo ka dhënë edhe një deklaratë ku argumentonte se përse mendonte se Grand Thefr Auto 6 nuk duhet të pritej përpara 2022-shit:
“Take-Two ka kontentin me cilësinë më të mirë përgjatë gjithë Shteteve të Bashkuara, në aspektin e prodhuesve të lojërave. Gjithsesi nga ana e vlerësimit ata e kanë arritur pikën e tyre maksimale. Kjo është arsyeja pse të shkosh më lart në rastin e tyre, bëhet edhe më e vështirë. Pavarësisht suksesit të pamohueshëm të serive të GTA dhe Red Dead Redemption, besojmë se Take Two Interactiove është në një pikë pak të sikletshme kur i duhet të llogarisë kohën e lançimit të saj të rradhës.”
Gjatë këtij viti fitimet e përgjithshme të Take Two ishin diku te $488.4 milion për treçerekun e katërt të vitit që lamë pas, duke humbur parashikimet e Wall Street që sugjeronin rreth $507 milion. Si një rastësi interesante aksionet e Take Two ranë me 1% të enjten. Është krijuar pra një situatë pritshmërie shumë e lartë për kompaninë, ku zgjidhja më e mirë që mund të mbetet është koha.
Sigurisht që Take Two nuk është e vetmja që ka peshën mbartëse mbi datën e ardhjes së Grand Theft Auto 6, pasi edhe Rockstar ka fjalën e saj në këtë situatë. Gjithsesi duket se në analizimin që Alex Giaimo i kishte dhënë situatës, fokusi qëndronte në prodhuesin e lojës dhe jo në zhvilluesin e saj.
Duhet pranuar se ndonjëherë, për ata që janë në krye të të gjitha këtyre gjërave, rruga nuk është edhe aq e thjeshtë. Sigurisht që gamer-at do të kenë kërkesat e tyre, por në fund të ditës është cilësia e një loje ajo që ka rëndësi dhe nëse do të duhet të presim për të marrë një produkt realisht të mirë, atëherë ashtu qoftë. Të mos kujtojmë pastaj rastin e Anthem, që është një shembull i përsosur mbi të gjitha drejtimet dhe pasojat që mund ti vijnë një loje për mungesë serioziteti gjatë zhvillimit të saj dhe mbi të gjitha nxitimit nga ana kohore.
Për ta mbyllur dhe për të qenë mbi të gjitha realist në mbylljen që do të bëjmë, do të presim edhe ca për Grand Theft Auto 6. Ndoshta loja vjen në 2022-shin, ndoshta më vonë dhe ndoshta edhe më herët. Një gjë që mund të themi me bindje është që pa konfirmimin e Rockstar dhe Take Two nuk mund të jemi kurrë të bindur dhe duke qenë se këta dy të fundit kanë qenë më të heshtur se kurrë mbi këtë tematike, do të thonim që kemi ende rrugë pritjeje për të bërë përpara.
Prapëseprapë ky vit dhe e ardhmja e afërt është fantastike për lojëra. Kemi Cyberpunk 2077, Death Stranding dhe The Last of Us që pak nga pak po e nxjerr kokën në sipërfaqe. Le të themi që do kemi se çfarë të bëjmë derisa të vijë GTA 6.
