Project Medieval është një projekt sekret me tematikë mesjetare
Project Medieval është një projekt sekret me tematikë mesjetare
Fansat e Grand Theft Auto kanë kohë që presin për të marrë lajme të cilat konfirmojnë ardhjen e GTA 6 në të ardhmen.
Loja popullore open-world i ka hapur rrugë Red Dead Redemption 2, e cila më në fund u lançua në PC në fillim të nëntorit dhe morri update të shumta në multiplayer. Ndërkohë, leaks të shumta janë publikuar për GTA 6, por ky i fundit duket se do t’i mërzisë fansat të cilët duan që loja të vijë sa më shpejtë.
Një postim në GamingLeaksAndRumors në Reddit, i cili është një subreddit me informacione të shumta të sakta dhe jo-të sakta, sugjeron se Rockstar po punon në një lojë mesjetare open-world në vend të GTA 6 dhe Bully 2.
Ndryshe nga leak-et e mëparshme për GTA 6, nuk kemi një emër të koduar për lojën, por postuesi thotë se luftimet me shpata dhe duelet janë një prej mekanikave kryesore dhe loja pritet të vijë në fillim të 2021.
Edhe pse është një informacion shumë i çuditshëm dhe i papritur, sidomos duke marrë parasysh se Rockstar nuk e ka eksploruar më herët idenë e një loje në mesjetë, ky postim lidhet me një postim të hershëm në LinkedIn.
Në 18 nëntor, përdoruesit e subreddit-it GTA6 zbuluan një profil në LinkedIn nga një zhvillues indian i Dhruva Interactive – një prej kompanive që është pjesë e Rockstar – që gjithashtu hidhte shenja drejt një loje mesjetare.
Shumë fansa kanë dyshime për vërtetësinë e këtij leak-u, prandaj dhe ju duhet të mendoni po njësoj, sidomos duke marrë parasysh se GTA 6 as nuk është zbuluar, jo më të shtyhet.