LEAK: Playstation 5 do të lançohet në nëntor të 2020 dhe kushton $499

Leak-u më i ri zbulon çmimin dhe datën e lançimit të Playstation 5

Playstation 5 do të lançohet në 20 nëntor 2020 për një çmim prej $499 në SHBA, sipas një informacioni të ri nga një burim i cili gjithashtu zbuloi datën e lançimit të The Last of Us 2.

Përdoruesi i Twitter PSErebus ka postuar kohët e fundit informacione për konsolën e gjeneratës së ardhshme nga Sony, përfshirë këtu detaje në lidhje me çmimin dhe datën e lançimit të Playstation 5, që ende nuk janë zbuluar.

Ndërkohë që Sony ka konfirmuar se konsola e re do të lançohet pranë festave të fundvitit të 2020, kompania e Playstation ende nuk ka zbuluar një datë zyrtare lançimi, prandaj ky leak që cakton 20 nëntor si datën e saktë duket i besueshëm.

Edhe pse padyshim që është një leak shumë interesant për sa i përket Playstation 5, ky leak, ndryshe nga leak-u i mëparshëm i Playstation 5 devkit, duhet të trajtohet me shumë skepticizëm. Edhe pse PSErebus ka publikuar më herët planet e Sony, anonimiteti dhe numri i vogël i followers që ai ka e bëjnë të vështirë që ky burim të besohet plotësisht.