Ky smartphone pritet të ketë 100x zoom dhe më shumë
Ky smartphone pritet të ketë 100x zoom dhe më shumë
Kemi patur shumë leaks rreth Samsung Galaxy S20 gjatë kohëve të fundit, duke nisur nga kamera, parametrat dhe më shumë. Tashmë, na është dhënë mundësia të shohim versionin më të fuqishëm të flagship-it të ardhshëm nga Samsung, Samsung Galaxy S20 Ultra 5G.
Samsung Galaxy S20 Ultra 5G pritet të vijë në tre variante ngjyrash: Cosmic Black, Cosmic Grey dhe Cloud Blue. Fotot e mësipërme janë ato të Cosmic Black, por është bërë gjithashtu leak dhe pamja e Cosmic Grey. Do të ishte interesante të shihnim dhe ngjyra të tjera si Aura Glow, prandaj shpresojmë që Samsung të sjellë ndonjë surprizë.
Gjithashtu, nëpërmjet imazheve mund të shohim se seria Galaxy S20 do të ketë 100x Zoom. Thuhet se kjo veçori do të vijë duke miksuar hardware dhe software për ta arritur këtë efekt. Duket se kjo veçor ido të vijë vetëm në S20 Ultra, nëpërmjet një lenteje 48MP Telephoto.
Në këtë leak u zbulua edhe çmimi i Galaxy S20 Ultra 5G. Versioni bazë pritet të kushtojë plot $1,500, ndërsa versioni me parametrat më të mira rreth $1,700.