Sipas një leak-u, Samsung Galaxy S11 mund të quhet Galaxy S20

Ky ndryshim emri vjen për të festuar dekadën e re

Samsung pritet të zbulojë gjeneratën e re të smartphone-ve Galaxy S në shkurt të 2020. Sipas 2 leakers të njohur, është zbuluar se flagship-i i ri do të quhet Galaxy S20 dhe jo Galaxy S11, siç pritej.

Seria Galaxy S erdhi në 2010 dhe që prej asaj kohe ka qënë seria kryesore e Samsung. Prodhuesit e smartphone duket se e vlerësojnë shumë 10-vjetorin e një produkti, siç demonstroi dhe Apple. Megjithatë, nuk presim që Samsung të vendosë ndonjë X përpara emrit të smartphone të tyre. 2020 është gjithashtu dhe fillimi i dekadës së re, prandaj ky emër përshtatet shumë mirë. Galaxy S20 për 2020, më pas S21 për 2021 etj.

Kur merr parasysh rrethanat, Galaxy S20 nuk do të ishte një emër i keq. Gjithashtu, pritet që Galaxy S11 (ose S20) të jetë shumë më superior se paraardhësit e parë. Përmirësimet midis Galaxy S8, S9 dhe S10 kanë qënë fare të vogla, ndërkohë që pritet që smartphone i gjeneratës së ardhshme të jetë diçka që nuk e kemi parë kurrë më parë nga Samsung. Ai pritet të ketë një kamer 108MP, ekran që suporton 120Hz dhe më shumë.