Teaser-i i season 10 në League of Legends tregon rework-un e Volibear

Teaser-i i ri i Season 10 na tregon se çfarë duhet të presim nga League of Legends këtë vit

Season 10 në League of Legends është fare pranë dhe zhvilluesi Riot ka disa lajme entuziazmuese për atë çka pritet të vijë gjatë 2020 në lojë. Studioja ka postuar një video në Twitter duke treguar atë çka pritet të vijë në lojë gjatë muajve të ardhshëm, ndërkohë që më shumë do të zbulohet kur sezoni të nisë në 10 janar.

Në videon që mund ta shihni më poshtë, Riot thotë: “Vit i ri. Rift i ri. Dhe ky është vetëm fillimi,” – duke treguar se do të japë më shumë informacion gjatë javës së ardhshme për eventet e reja, skin-et, update-t e kampionëve dhe më shumë. Si fillim, ata na japin një pamje të parë të asaj që pritet të vijë, duke na treguar më shumë për rework-un e Volibear.

Me një armaturë dhe pamje tërësisht të re, Volibear duket si një kampion tërësisht i ri. Ende nuk kemi një pamje të tij në lojë ose një splash art, por duket se ai padyshim do të sjellë diçka të re në League of Legends.

Përtej kësaj, Riot thotë se janë entuziastë që më në fund të lançojnë zyrtarisht Clash, mode-in e turnamenteve për ekipe, ku lojtarët mund të krijojnë ekipet e tyre dhe të konkurrojnë për trofe vazhdimisht. Ka disa vite që punohet për këtë mode dhe më në fund ka ardhur koha që ai të lançohet.

Gjithashtu, do të ketë lajme edhe për Legends of Runeterra, lojën me letra të Riot të vendosur në universin e League of Legends, por gjithashtu edhe për Teamfight Tactics. Riot gjithashtu do të zbulojë dhe një lojë të re tavoline.