Nerf i Aphelios dhe rework i Sylas do të vijnë në Patch 10.1 të LoL

Patch-i i parë i Season 10 në League of Legends do të jetë shumë i madh

Me fillimin e sezonit të ri të League of Legends fare pranë, një patch i madh pritet të vijë, duke finalizuar të gjitha ndryshimet e preseason. Me Elemental Rift, sistemin e ri të dragonjve, item-at e rinj dhe çdo gjë tjetër që pritet të vijë, do të ketë gjithashtu dhe ndryshime për kampionat e lojës.

Dizenjuesi i gameplay Mark “Scruffy” Yetter i dha lojtarëve një ide se çfarë duhet të presin nga Patch 10.1, me disa nerf-e kryesore pritet të vijnë për kampionët shumë të fortë të lojës, ndërkohë që dhe disa të tjerë do të bëhen buff.

Ndryshimi më i madh që do të vijë në Patch 10.1 është mini-rework-u i Sylas. Riot ka si qëllim të ndryshojë mekanikat e tij në mënyrë që ai të mund të ndëshkohet më lehtë në ELO-t e larta, por që Sylas të mbetet një kampion kompetitiv në të gjitha nivelet e lojës.

Sylas është thjeshtuar shumë. Ai nuk bën dot më auto-attack reset me W dhe E, të cilat abuzoheshin nga lojtarët profesionistë për të bërë shumë burst njëherësh. Ndërkohë, të gjitha aftësitë e Sylas tashmë janë më të forta në nivelin 5 dhe gjithashtu shumica e tyre kanë patur një rritje të AP scaling. Në përgjithësi, Sylas duket se ka më pak burst, por do të bëjë më shumë damage. Gjithashtu, mburoja tek E-ja e Sylas do të hiqet.

Në anën tjetër, Aphelios dhe Mordekaiser do të bëhen shumë nerf. Aphelios ka qënë shumë dominant në bot lane që prej lançimit, por tashmë movement speed, base health dhe dëmi që bën me Infernum R do të ulen.

Ndërkohë, pasivja e Mordekaiser do të bëhet nerf, duke e bërë më të lehtë që t’i ikësh atij gjatë luftimeve të gjata. Aurelion Sol dhe Kassadin gjithashtu do të marrin nerf-e të vogla në Patch 10.1 për damage dhe movement speed respektivisht.

Azir, Corki, Jayce, Jax, Kalista, Nami, Sejuani, Shyvana, Varus, Vi dhe Zyra do të marrin buff-e të vogla gjatë Patch 10.1. Prototype: Omnistone gjithashtu do të marrë një tjetër buff në cooldown.

Item-at e support gjithashtu do të marrin disa ndryshime të vogla, me Relic Shield dhe Steel Shoulderguard që do të japin health regeneration, ndërkohë që Spectral Sickle dhe Spellthief’s Edge do të japin mana regeneration.

Një prej ndryshimeve që nuk do të vijnë në Patch 10.1 është rework-u i Wukong, të cilët lojtarët prisnin ta shihnin në Patch 10.1. Sipas Scruffy, ai ende nuk është gati për këtë patch.

Në Patch 10.1 gjithashtu pritet të vijë Sett, kampioni më i ri i League of Legends.