WhatsApp prezantoi funksionin View Once vitin e kaluar dhe i lejoi përdoruesit të ndajnë mediat që zhduken ndërsa i dërgonin mesazhe njëri-tjetrit. Por, ajo nuk ofronte asnjë mënyrë për të bllokuar pamjet e ekranit, që do të thoshte se marrësi kishte mundësinë të ruante median duke bërë thjesht një screenshot. Kjo, pak a shumë, e bëri funksionin të padobishëm. Fatmirësisht, kompania po punon në të vërtetë për një veçori të re që do të bllokonte pamjen e ekranit, së bashku me disa veçori të tjera të privatësisë.
Funksionet më të reja të WhatsApp
Mark Zuckerberg, themeluesi dhe CEO i Meta ka njoftuar tre veçori të reja të privatësisë për aplikacionin. Këto veçori përfshijnë bllokimin e pamjeve të ekranit, një opsion për t’u larguar nga grupet në heshtje dhe aftësinë për të zgjedhur se kush mund t’ju shohë kur jeni në linjë.
Bllokimi i pamjes së ekranit thjesht do t’i parandalojë njerëzit që të marrin pamje nga mesazhet View Once, kjo më në fund do ta bëjë këtë funksion të dobishëm. Aktualisht është duke u testuar dhe së shpejti do të shpërndahet për të gjithë përdoruesit. WhatsApp ka punuar në një opsion për t’i lejuar përdoruesit të fshehin statusin e tyre në internet prej disa kohësh, por funksioni për të zgjedhur në fakt se kush mund t’ju shohë nëse jeni online dhe kush jo, po del gjithashtu.
Së fundmi, përdoruesit e WhatsApp do të jenë gjithashtu në gjendje të largohen nga grupet në heshtje pa i vënë re të gjithë pjesëmarrësit e tjerë. Kjo me siguri do t’i bëjë gjërat më pak të sikletshme për ata që gjithmonë përpiqen të qëndrojnë larg syve kureshtarë. Megjithatë, administratorët e grupit do të njoftohen ende se kush është larguar nga grupi.