Një listim për DLC-në e ardhshme të Kingdom Hearts III, Re: Mind, duket të hedhë shenja drejt një versioni të mundshëm për PC. Thashethemet për versionet në PC janë të shpeshta për lojëra që bazohen kryesisht në konsola, por në këtë rast burimi i informacionit duket të jetë pak më konkret.
E gjitha kjo ka sjellë një mospërputhje me përshkrimin e Kingdom Hearts III me atë të Re:Mind DLC. Ja se çfarë thuhet në lojën bazë për pjesën e instalimit:
“Instalojeni në konsolën tuaj të Xbox One dhe merrni akses në të kur ta lidhni me adresën tuaj të Microsoft.”
Dhe ja se çfarë thotë Re:Mind DLC në pjesën e instalimit:
“Merreni këtë app teksa jeni regjistruar në adresën tuaj të Microsoft dhe instalojeni në paisjet tuaja me Windows 10.”
Dallimi këtu është që njëra e limiton instalimin vetëm në Xbox One dhe tjetra i lë gjërat shumë të hapura për interpretim. Ky mund të jetë edhe një gabim shpejtësie nga ana e dikujt në staf, por mund të shihet edhe si një e dhënë që DLC po përgatitet për PC, që do të thotë që edhe Kingdom Hearts III do të ndajë të njejtin fat.
Kingdon Hearts III është tashmë e disponueshme për PlayStation 4 dhe Xbox One. DLC-ja e re Re:Mind do të lançohet për PS4 në 23 janar 2020 dhe në Xbox One në 25 shkurt 2020. Deri më tani, nuk ka asnjë konfirmim zyrtar për një variant në PC.