Ketë herë Returnal vjen edhe me një datë lançimi
Ketë herë Returnal vjen edhe me një datë lançimi
Loja më e fundit nga kompania zhvilluese Housemarque është Returnal e cila është një lojë third-person sci-fi shooter që ndjek ngjarjet e një gruaje që ka ngecur në një lloj time loop. Kësaj here loja vjen me një trailer të ri bashkë me një datë të saktë lançimi.
Trailer i lojës na tregon një grua të quajtur Selene e cila përplaset në një planet i cili ndryshon formë. Tashmë pothuajse e vetme në ketë botë asaj i duhet të kërkojë për një civilizim të lashtë në mënyrë që të shpëtojë nga ky planet.
Gjatë qëndrimit të saj në ketë planet ajo është e detyruar të luftojë dhe sa herë që ajo mposhtet asaj i duhet ta fillojë udhëtimin e saj nga fillimi. Gjithashtu Selene do të zbulojë që çdo gjë ndryshon sa herë që ajo rifillon udhëtimin e saj duke iu bërë që të përshtateni me stile të ndryshme luftimi dhe strategji.
Returnal do të hidhet në treg më 19 mars të vitit 2021 dhe do të vijë vetëm për PlayStation 5.