Ky heist do të ndodhë në Diamond Casino
Ky heist do të ndodhë në Diamond Casino
Më herët gjatë këtij viti, Diamond Casino & Resort hapi dyert në Grand Theft Auto 5 për herë të parë. Duke i ofruar qytetarëve të Los Santos lojëra kazinoje, suita në katet e fundit dhe më shumë, tani ajo do të jetë vendi ku do të zhvillohet operacioni kriminal më i madh dhe më i guximshëm ndonjëherë në Los Santos – Diamond Casino Heist.
Rockstar thotë se ky heist që do të vijë në GTA Online do t’i “infiltrojë lojtarët në kompleksin më ekstravagant dhe më luksoz në të gjithë shtetin” dhe pritet të jetë i komplikuar. Objektivi është të futesh në kasafortën e Diamond Casino, të vjedhësh gjithçka brenda saj dhe më pas të hakmerresh ndaj familjes Duggan.
Studio zbulon se do të jetë një qasje tërësisht e re në mënyrën se si është ndërtuar një heist në lojë dhe një operacion me shumë elemente të reja gameplay. Do të keni shumë mundësi për të pranuar sfidën dhe për t’u infiltruar në vendin më të sigurt në Los Santos, me mision përgatitore dhe zgjedhje, nëpërmjet të cilave ju i jepni formë planit tuaj, rrugëve të ndryshme, masave të sigurës që ndryshojnë vazhdimisht dhe zgjedhjeve të shumta kur ju ndodheni brenda.
Do të jetë sfiduese, por Rockstar thotë se do të keni mundësi të vazhdoni misionin dhe të mos dështoni duke përdorur armët për të dalë nga situata, së bashku me ekipin tuaj. Studio thotë se Diamond Casino Heist do të mund të luhet disa herë dhe do të ketë skenare të reja të cilat do t’i provoni vazhdimisht.
Rockstar thotë se GTA 5 Online Diamond Casino Heist do të vijë javën e ardhshme, në 12 dhjetor. Për më shumë informacion, vizitoni website-in e Rockstar.