Bëhet leak harta e re e Fortnite dhe Fortnite Chapter 2

Harta e re e Fortnite është zbuluar aksidentalisht në Apple App Store

Season 10 në Fortnite tashmë po i vjen fundi, me një event shumë të madh të quajtur The End që pritet të ndodhë të dielën, në 13 tetor, ku përfshihet një raketë dhe një personazh misterioz, The Visitor.

Përdoruesit italianë të iPhone kanë zbuluar prova se loja po hyn në “kapitullin e dytë”, me një imazh të ri që është shtuar në App Store përpara lançimit të Season 11.

E postuar në Twitter nga leaker-i ShiinaBR, një imazh i App Store italian tregon tre personazhe të reja standarte, në majë të një kodre ndërkohë që hedhin sytë nga një hartë tërësisht e re që duket se do të vijë në Season 11 në Fortnite.

Në imazh shfaqet një terren i ri, me një lum të madh mes për mes tij që shpërhapet në horizont, me një qytet të ri në krah të djathtë dhe një far shumë larg, duke i treguar lojtarëve disa prej POI të reja që do të vijnë në Season 11.

Në lumenj mund të shihen disa varka, që mund të jenë automjete të reja për Season 11, gjë e cila gjithashtu mund të tregojë se shumica e hartës mbulohet nga uji dhe ai mund të përdoret për të lëvizur. Mbase tematika e Season 11 do të ketë lidhje me ujin, për t’u përshtatur me hartën e mbuluar nga uji.

Një video në Reddit, e hedhur pas publikimit të imazhit, tregon provat se ky imazh ndodhet në App Store, duke treguar imazhin me hartën e re që do të vijë në Fortnite në Season 11, i cili më pas kthehet në një video të lojës së tanishme.