Çfarë do të ndodhë në The End në Fortnite?

Gjithçka që dimë për eventin The End në Fortnite

Season 11 i battle royale-s së Epic Games po vjen me shpejtësi dhe gjithçka është gati për një finale të madhe për të mbyllur Season 10 me stil. Më poshtë keni çdo informacion që dimë për eventin në lojë, përfshirë datën, orën dhe gjithçka që pritet të ndodhë.

Eventet e fundit të sezonit janë një spektakël i shumëpritur nga fansat e Fortnite, me eventin e fundit ku Mecha mposhti Cattus, duke lënë një sferë e cila solli ndryshime të shumta në hartën e Season 10.

Në Season X ndodhi rikthimi i The Visitor si dhe shumë ndryshime në hartë, por fansat tashmë po presin me padurim Season 11. Megjithatë, përpara se fansat të mund të luajnë sezonin tjetër, duhet të ndodhë një event për të mbyllur Season 10, i cili pritet të quhet “The End“.

Pas shumë leaks dhe spekulimeve që thonin se eventi do të ndodhte në 29 shtator, tashmë countdown-i ka filluar, duke konfirmuar që eventi do të ndodhë të dielën, në 13 tetor.

Si gjithmonë, eventi do të ndodhë rreth orës 20:00, prandaj gjeni kohën për të luajtur. Si në fundin e sezonit nëntë, do të ketë një playlist të veçantë “The End“, për t’iu dhënë mundësi të ndodheni më pranë shfaqjes.

Shumë zëra që qarkullojnë thonë se një hartë e re do të vijë në fund, duke bërë që Season 10 të fillojë një kapitull të ri për Fortnite. Mbase harta gjithashtu mund të ndryshohet plotësisht.

Megjithatë, duke marrë parasysh se The Scientist po ndërton një anije dhe një imazh i lojtarëve duke ia bërë me dorë autobuzit që largohet është bërë leak, një largim nga ishulli duket gjithashtu shumë i mundur.

Si do të vijë harta e re? Thuhet se një event kataklizmik do e bëjë hartën të pabanueshme dhe lojtarët do të thithen në një space rift që do i teleportojë ata jashtë hartës, në një mjedis tjetër.

Spekulimet e @Asriel_Dev thonë se lojtarët do të thithen në një Zero Point, ku një dialog do të fillojë, i cili është zbuluar nga @ShiinaBR.

Eventi supozohet të jetë të pakten 3 minuta i gjatë, pra lojtarët do të shohin një cutscene mjaft të gjatë, ndërkohë që bëhet kalimi në Season 11.

Tashmë që countdown-i po i afrohet fundit, fansat kanë zbuluar se Dusty Depot nuk mund të shkatërrohet për të marrë materiale. Padyshim që mund të gjesh armë dhe sende të tjera, por tashmë nuk ke më mundësi të mbledhësh shumë metal siç mundeshe më përpara.

Një prej teaser-ave të The End në lojë kanë qënë dhe kasetat e The Visitor që lojtarët duhet të gjejnë. Këto ndodhen në hartë dhe kur mblidhen, mund të luhen në Dusty Depot për të mësuar më shumë mbi historinë.

Tashmë, lojtarët kanë arritur të marrin të gjitha kasetat dhe t’i luajnë ato sipas rradhës, duke na treguar më shumë për eventin nga pikëpamja e personazheve në lojë.

Pavarësisht se sa të vërteta janë leaks dhe spekulimet, me siguri mund të themi se fansat e Fortnite do të mund të shohin diçka vërtet fantastike në mbylljen e Season 10.