Data e lançimit u zbulua gabimisht në Instagram
Data e lançimit u zbulua gabimisht në Instagram
Grupi hip hop nga New York City Morgue duket se ka zbuluar datën e lançimit të GTA 6 në një story në Instagram në 10 nëntor.
City Morgue është një grup hip hop i përbërë nga Junius ‘ZillaKami’ Rogers, Vinicius ‘SosMula’ Sosa dhe producenti i tyre Bouabdallah Sami ‘Thraxx’ Nehari, i cili u bë i njohur gjatë 2018 dhe 2019. ZillaKami ka qënë gjithashtu ghostwriter i 6ix9ine dhe ka pasur një rol kyç në zbulimin e të shkuarës së reperit.
Mesa duket, ky grup ka luajtur sërish një rol kyç në një tjetër lajm, pasi një story në Instagram dhe më pas DM e publikuar i kanë dhënë fansave të GTA një datë të mundshme lançimi për GTA 6.
Në profilin e tij në Instagram, Righteous P, vëllai i ZillaKami, ka shpërndarë një screenshot të “Rockstar x City Morgue“, duke hedhur shenja rreth një bashkëpunimi. Ai gjithashtu kishte bër tag Rockstar Games, City Morgue dhe kishte shkruajtur “Summer 2020“.
Një fans i dërgoi mesazh Righteous P në DM, duke e pyetur nëse ky imazh ishte i vërtet. Righteous P u përgjigj vetëm “së shpejti” kur u pyet nëse City Morgue do të ishte pjesë e kolonës zanore të lojës.
Natyrisht që fansat po pyesin vetën nëse kjo do të thotë se City Morgue do të jetë pjesë e kolonës zanore të GTA 6, një prej aspekteve më kryesore të lojërave GTA, e cila ndikon shumë në eksperiencën e gameplay-t të lojës.
Edhe pse padyshim që kështu duket fillimisht, grupi ende nuk ka konfirmuar asgjë në lidhje me domethënien e këtij postimi në Instagram.
Nëse vera e 2020 do të jetë periudha e lançimit të GTA 6, lojtarëve do t’iu duhet të presin më pak se një vit për lojën, edhe pse padyshim që ka kaluar shumë kohë që prej lançimit të GTA 5 në 2013.
Megjithatë, një lançim në verën e 2020 nuk përputhet me pritshmëritë që GTA 6 do të lançohet vetëm në konsolat e gjeneratës së ardhshme, mbase dhe duke u lançuar njëkohësisht me to, prandaj nuk mund të jemi plotësisht të sigurt. Megjithatë, mund të themi me siguri që GTA 6 është afër.