Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Durimi i fansave të Grand Theft Auto është testuar shumë kur vjen puna te lajmet për GTA 6, por pas konfirmimit të PlayStation 5, njerëzit po fillojnë të mendojnë që loja mund të mos jetë aq larg sa ç’duket.
Rockstar ka qenë shumë diskret rreth informacioneve për një instalim të ri në seritë e Grand Theft Auto, por nuk mund të themi më të njejtën gjë për Sony. Në datë 8 tetor patëm konfirmimin e parë zyrtar për konsolën e gjeneratës së ardhshme nga ana e tyre, që do të lançohet në fund të 2020s. Lind natyrshëm pyetja, a do të bëjë edhe GTA 6 debutin e saj në këtë sistem?
KUR DO TË DALË GTA 6?
Një leak rreth lojës ka deklaruar se ajo do të lançohet nga periudha e fundvitit të 2020s dhe tani që edhe PlayStation 5 është konfirmuar të vijë në të njejtën periudhë, nuk është çudi që këto të dyja të vijnë në në njejtën kohë.
Fundja, a do të kishte ndonjë lojë më të mirë se GTA 6 për ta provuar në një konsolë fringo të re. Është një nga ato lojëra që realisht do e bënte shumë mirë dallimin mes gjeneratës së vjetër dhe gjeneratës së re, mbi të gjitha te grafikat.
I njejti leak gjithashtu deklaron se Sony do të ishte i gatshëm të shpenzonte shumë marramendëse për të kapur një marrëveshje ekskluziviteti me Rockstar. Gjithashtu thuhet se loja do të ketë ekskluzive për gjeneratën e ardhshme. Gjithsesi ruani në mendje që këto informacione nuk janë të konfirmuara.
PRITJA KA QENË E GJATË
Përsa i përket linjës kohore, nga ana e Rockstar kjo do të kishte sens. Kanë kaluar gjashtë vite që kur loja e fundit GTA u lançua dhe deri më sot, është pritja më e gjatë që kanë patur ndonjëherë fansat për një lojë të re nga kjo studio.
Suksesi i GTA Online mund ti kenë lejuar zhvilluesit të presin. Kini parasysh se loja edhe sot e kësaj dite tërheq shifra masive lojtarësh, siç u pa edhe kur u lançua update-i i Casino në korrik.
NJOFTIMI I ARDHSHËM PËR GTA 6?
Me PlayStation 5 një vit larg, probabiliteti që të kemi ndonjë formë zyrtare njoftimi nga ana e Rockstar është i lartë. Ky njoftim mund të vijë me një periudhë lançimi ose edhe me një konfirmim mbi ekzistencën e lojës si projekt.
