God of War shpallet loja e vitit në The Game Awards 2018

Red Dead Redemption largohet me 4 çmime

God of War i Sony ka fituar çmimin e Game of the Year në ceremoninë e çmimeve të The Game Awards 2018. Video loja gjithashtu rrëmbeu çmimin e regjisë më të mirë-Best Direction dhe aventura më e mirë aksion-Best Action Adventure.

Hiti i Rockstar Red Dead Redemption 2 fitoi numrin më të lartë të çmimeve gjithsesi, duke u larguar nga salla me plot 4 prej tyre. Aventura e Perëndimit të Egër fitoi performanca më e mirë- Best Performance me Roger Clarke si Arthur Morgan, muzika më e mirë-Best Music me Woody Jackson dhe Daniel Lanois’ për audion më të mirë.

Celeste nga ana tjetër fitoi dy çmime përkatësisht për Best Independent Game- loja më e mirë e pavarur dhe çmimin e Game for Impact si loja me më shumë impakt. Fenomenalja Fortnite gjithashtu rrëmbeu dy çmime me Best Ongoing Game dhe Best Multiplayer.

The Game Awards të organizuara nga Geoff Keighley është në vitin e tij të pestë dhe është bërë një datë kyçe në kalendarin e një gameri. Krahas ndarjes së çmimeve për lojërat me arritjet më të mëdha përgjatë vitit, The Game Awards është bërë si një institucion ku shpallen edhe njoftimet e lojërave më të reja dhe trailer-ave të tyre. Këtë vit u zbuluan për herë të parë lojërat: Dragon Age 4, Far Cry: New Age dhe The Outer Worlds.

Fituesit e The Game Awards përzgjidhen nga kombinimi i kritikës dhe votës së publikut. Shikoni listën e plotë të fituesve më poshtë: