Dizajni, parametrat, lojërat, data e lançimit, çmimi dhe më shumë
Dizajni, parametrat, lojërat, data e lançimit, çmimi dhe më shumë
Xbox Series X, i njohur më herët si Project Scarlett, është zbuluar zyrtarisht nga Microsoft si konsola e tyre next-gen. Përveç emrit të çuditshëm me të cilin do të na duhet pak kohë të mësohemi, Microsoft gjithashtu prezantoi konsolën për herë të parë, e cila ka një dizajn të papritur.
Më poshtë do të gjeni çdo gjë që dimë deri më tani për Xbox Series X. Microsoft natyrisht që do të jap më shumë detaje në muajt e ardhshëm përpara lançimit.
Ndërkohë që Sony ka përdorur thjesht numra për emrin e PlayStation, Microsoft ka tentuar disa gjëra me Xbox. Duke zbuluar Project Scarlett si Xbox Series X, mbase Microsoft ka arritur të gjejë një emër përfundimtar. Nga tani, cikli i ardshëm i modeleve mund të quhet Xbox Series 2X, 3X etj. Gjithashtu, modeli low-end i konsolave next-gen mund të quhet Xbox Series S, në mënyrë të ngjashme me Xbox One S dhe Xbox One X.
Ndërkohë, komuniteti i gaming ende po përpiqet të gjejë një shkurtim të mirë. A duhet të quhet Xbox Series X XSX, XBX, XSEX apo 1X?
Microsoft mund të ketë patur probleme për të vendosur hardware të fjalës së fundit pa dëmtuar performancën. Prandaj, Xbox Series X do të ketë pamjen e një blloku të vetëm. Konsola mund të qëndrojë drejt ose mund të shtrihet. Për sa i përket dimensioneve, konsola është shumë më e madhe se Xbox One X. Megjithatë, pa patur konfirmim nga Microsoft, mundemi vetëm të ngrëmë hipoteza duke u bazuar tek imazhet.
Xbox Series X thuhet se mund të jetë të paktën 2-4 herë më i fuqishëm se Xbox One X, e cila është edhe tani një konsolë shumë e fuqishme. Bazuar në burime zyrtare dhe jozyrtare, Microsoft ka përdorur një procesor të veçantë AMD Zen 2 3.6GHz me 8 cores. Për sa i përket grafikave, Xbox Series X do të ketë një GPU të veçantë të bazuar tek arkitektura AMD Navi me fuqi 12 TFLOPS.
Konsola do të ketë 16GB RAM, nga të cilat 13GB do të përdoren nga zhvilluesit. Është konfirmuar që do të përdoret një SSD NVMe me 2GB/s read speed. Xbox Series X gjithashtu do të ketë një 4K Blu-Ray drive që mund të shfaqë video 4K dhe 8K deri në 120Hz.
Në gjeneratën e ardhshme, Microsoft ka planifikuar të krijojë një librari të madhe dhe ekskluzive lojërash. Halo Infinite do të jetë nga lojërat e para që do të vijë. Microsoft ka zbuluar edhe Senua’s Saga: Hellblade 2 nga Ninja Theory, e cila gjithashtu do të vijë në Xbox Series X.
Lajmërime të tjera pritet të vijnë në muajt e ardhshëm, por që tani kanë filluar zërat se cilat lojëra do të vijnë në Xbox Series X. Këtu përfshihen Cyberpunk 2077 nga CD Projekt Red, Elden Ring nga Bandai Namco, Starfield nga Bethesda Softworks, Dying Light 2 nga Techland, Battlefield 6 nga Electronic Arts etj. Thënë shkurt, çdo lojë e madhe që do të vijë në të ardhmen.
Gjithashtu, duhen përmendur dhe studiot që Microsoft ka blerë: Double Fine, inXile Entertainment, Obsidian Entertainment, Compulsion Games, Playground Games dhe Undead Labs, të cilat padyshim po punojnë për të krijuar lojëra të reja.
Xbox Series X do të jetë i lidhur me kërkesat premium të gaming dhe jo për virtual reality. Microsoft ka thënë se brandi i Xbox nuk është i lidhur me virtual reality. Nëse kërkoni virtual reality duhet të shkoni diku tjetër. Microsoft mund të vendosë të zhvillojë virtual reality në të ardhmen, por deri më tani duket se Xbox Series X do të jetë një konsolë e cila luan lojërat e gjeneratës së ardhshme në mënyrën më të mirë të mundshme.
Microsoft ka konfirmuar se Xbox Series X do të vijë në të gjithë botën gjatë fundit të 2020, duke nisur nga nëntori. Pre-orders me shumë mundësi do të nisin në mes të vitit, pasi Microsoft të ketë mbaruar prezantimin e tyre në E3 2020.
Kompania nuk e ka zbuluar çmimin, por pritet që konsola të kushtojë $500. Nëse do të kushtonte më shtrenjtë, konsola do të ishte shumë e shtrenjtë. Microsoft nuk do që historia të përsëritet, edhe nëse Xbox Series X ofron shumë vlerë. Nëse konsola do të kushtonte $600, shumë lojtarë do të kalonin tek konkurrentët, të cilët pritet të kushtojnë rreth $400-$500.