Kohët e fundit kartat grafike kanë qenë një problem i madh për gamers për shkak të çmimit të lartë të tyre. Së fundmi këto karta po kapim çmime tepër të larta dhe një ndër to është edhe 3080 Ti e cila po thyen rekorde.
Edhe pse Nvidia bëri të ditur para lançimit që kartat e saj të reja do të kushtonin më pak se 1000 dollarë amerikanë, kjo gjë nuk ka ndodhur. Scalpers dhe miners kanë bërë të tyren duke ulur numrin e tyre në treg ose duke e rishitur këtë kartë për një çmim akoma të lartë.
Deri më tani, karta grafike në fjalë ka arritur një çmim që varion midis 1300 dollarë amerikanë dhe deri në 2250 dollarë amerikanë, çmime që janë pothuajse sa trefishi i çmimit të zakonshëm. Gjithashtu ka patur raste kur ky çmim ka qënë akoma edhe më i lartë.
Fatmirësisht një sasi e re GPU nga Nvidia do të vijnë së shpejti në treg të cilat janë modifikuar për të mos punuar në mining. Kjo gjë do të largojë pjesërisht një nga problemet kryesore por që fatkeqësisht nuk e zgjidh plotësisht atë.