Tencent duket se ka gjetur vezën e artë
Tencent duket se ka gjetur vezën e artë
PUBG në PC vazhdon rrugën e saj e qetë në treg, por padyshim që nuk mund të krahasohet me suksesin financiar të PUBG Mobile. Një lëvizje e rrezikshme, por e cila shkaktoi një bum në fitimet e Tencent ishte padyshim rilançimi i lojës si Game for Peace në Kinë. Kjo lëvizje rriti fitimet e kompanisë me 540%.
Në fakt, PUBG Mobile është loja e parë battle royale në mobile që ka arritur të fitojë më shumë se $1 miliard në iOS dhe Android.
Siç thotë dhe Sensor Tower, në gusht të 2018 fitimet e kompanisë në botë ishin “vetëm” $25 milionë. Në vetëm një vit, ky numër ka arritur $160 milionë, me një pjesë shumë të madhe të rritjes që ka ardhur nga Kina, pasi banorët e vendit aziatik duket se janë në kërkim të chicken dinner çdo ditë.
Siç duket qartë, PUBG Mobile është veza e artë e Tencent, që njihet në të gjithë botën si një kompani që i bën vazhdimisht update lojërat e saj.