Sony së fundmi ka zbuluar goxha projekte në lidhje me lojërat e PlayStation të cilat dëshiron që t’i kthejë në filma ose seriale. Dhe më poshtë do të gjeni një listë me projektet e fundit që Sony ka planifikuar t’i sjellë në filma ose TV Show.
Twisted Metal
Twisted Metal është një seri lojërash e cila nuk ka qenë aktive që prej vitit 2012 por kjo nuk e ka penguar Sony dhe PlayStation që të sjellë atë në TV. Sipas informacioneve që kemi, ky adaptim do të vijë nën emrin Peacock dhe do të jetë një comedy me aktorë si Anthony Mackie, Thomas Haden Church, Neve Campbell dhe më shumë. Pritet që Peacock të transmetohet gjatë vitit 2023.
The Last of US
Një prej lojërave hit të PlayStation nga studio Naughty Dog do të marrë një adaptim si serial nga studio e HBO. Cast do të përfshijë një larmishmëri aktorësh nga seriale si Game of Thrones dhe The Mandalorian. Pritet që seriali i The Last of Us të vijë gjatë vitit 2023.
Ghost of Tsushima
Duke ndjekur suksesin e madh që Ghost of Tsushima pati gjatë vitit 2020, Sony vendosi shumë shprejt që ta sjellë atë si një film. Sipas informacioneve që kemi, dimë që filmi i Ghost of Tsushima do të shkruhet nga Takashi Doscher dhe do të drejtohet nga Chad Stahelski i cili është pjesë e serisë së filmave John Wick.
God of War
God of War do të vijë në TV si një serial Amazon TV. Kjo gjë u konfirmua së fundmi por akoma nuk kemi një informacion fiks se kush do të jetë pjesë e cast ose se kur do të vijë.
Horizon
Pas Ghost of Tsushima dhe God of War, radhën e ka bota e serisë së lojërave Horizon e cila pritet të sjellë karaktere të ndryshme përvec Alloy. Deri më tani dimë që Horizon është duke u punuar nga Netflix por nuk kemi asnjë informacion se kur do të vijë, cast apo historisë.
Grand Turismo
Edhe pse nuk kemi një konfirmim zyrtar, goxha raporte na tregojnë se Grand Turismo mund të ketë një adaptim si serial ose film. Por akoma asgjë nuk është e sigurt.