Kjo ndodhi pas zbulimeve për 10-vjetorin e League of Legends
Kjo ndodhi pas zbulimeve për 10-vjetorin e League of Legends
Lojtarët e shumtë të Dota 2 duan që Valve të rrisë reklamimin e lojës pas festimeve të Riot për 10-vjetorin e League of Legends.
Riot zbuloi shumë gjëra të reja, përfshirë këtu një kampion të ri në League of Legends, një lojë me letra të quajtur Legends of Runeterra dhe një version për mobile dhe konsola të League of Legends të quajtur Wild Rift. Entuziazmi rreth të gjitha këtyre projekteve i ka bërë fansat e Dota 2 të kërkojnë më shumë nga Valve.
Update-t e matchmaking nuk mund të rregullojnë shumë përpara se probleme të reja si pritje të gjata për lojtarët me MMR të lartë të fillojnë dhe t’i detyrojnë ata të krijojnë smurfs. Me pak lojtarë të rinj, do të ketë më pak kompetivitet në nivelet e larta të lojës, gjë që sjell edhe më shumë probleme.
Në Reddit dhe Twitter, fansat po diskutojnë se si Valve duhet të shpenzojë më shumë se $90 milionë që ata fituan nëprmjet The International 2019 Battle Pass. Një përdorues në Reddit sugjeron që Valve duhet ta shpenzojë atë në reklama, gjë që do të sillte më shumë lojtarë, ndeshje me kualitet më të mirë dhe më shumë fitime nga Battle Pass.
Megjithatë, problemi i Dota 2 nuk është vetëm tek reklamimi dhe prezantimi i lojës, por edhe te fakti se loja është një eksperiencë shumë e keqe për lojtarët fillestare. Kur një lojtar i ri fillon të luajë Dota dhe kalon tutorial-in e parë shumë të vjetër, ai më pas futet në lojë, humbet 3 ndeshje rradhazi dhe më pas e çinstalon atë.
Valve tha se do të përmirësonte eksperiencën e lojtarëve të rinj, por tashmë kanë kaluar muaj dhe duhet ndryshuar diçka patjetër. Rregullimi i matchmaking është diçka e mirë, por rritja e reklamimit përtej videove në YouTube dhe banner-ave në Steam do të sillte më shumë lojtarë për lojën.
Duke marrë parasysh se Dota Pro Circuit nis në 7 nëntor dhe dy heronj të rinj pritet të vijnë në lojë, tashmë është koha perfekte për ta reklamuar atë ose për të përmirësuar eksperiencën e lojtarëve të rinj.