Epic Games poston teaser-in e dytë të Fortnite Chapter 2 Season 2

Season 2 i Fortnite Chapter 2 duket se do të jetë i artë

Epic Games e ka shtyrë dy herë lançimin e Season 2 në Fortnite, me Season 1 që tashmë do të mbyllet në 20 shkurt. Tashmë që kanë mbetur vetëm pak ditë përpara nisjes, lojtarët kanë parë disa ndryshime në lojë, me disa veçori të arta të cilat janë shfaqur në vende të ndryshme, duke i bërë ata të besojnë se një material i ri mund të vijë së shpejti.

Materialet e tanishme në lojë janë dru, tullë dhe metal. Këto kanë qënë materialet që prej lançimit të lojës në 2017 dhe tani fansat duket se po presin që ari të shtohet në listë.

Tashmë, Epic duket se ka vendosur të hedh më shumë shenja rreth arit në Season 2, duke postuar një teaser i cili i përgjigjet disa pyetjeve. Data e lançimit gjithashtu informohet nga postimi, me rreshtin e parë që thotë “Transmetimi u ndërpre,” ndërkohë që pjesa tjetër është e fshehur. Një teaser i dytë u postua më vonë: “FN.CH02.S02.”

Llogaria zyrtare e Fortnite gjithashtu vendosi dorën e artë të treguar dje si header në Twitter, gjë që të shtyn më shumë të mendosh se ari do të vijë në lojë së shpejti. Nuk dihet nëse ari do të jetë shumë i rëndësishëm në Season 2, prandaj ende na duhet të presim dhe të shohim.