Dy fazat e ardhshme të hartës së Fortnite bëhen leak para eventit të Risky Reels

Diçka është duke u përgatitur momentalisht për Fortnite Chapter 2 dhe të gjitha shenjat drejtojnë drejt një eventi në lojë të quajtur ‘Galileo’, që do të zhvillohet në Risky Reels.

Eventet në lojë janë bërë si spektakle në Fortnite Battle Royale, teksa Epic Games i ka përdorur atë për të nisur sezonte të reja, për të prezantuar ndryshime të hartës ose për të celebruar raste të caktuara.

Deri më tani në Chapter 2 nuk kemi patur asnjë event, por duket se kjo gjë do të ndryshojë së shpejti, pasi dataminers gjetën detaje të bëra leak për një event të koduar me emrin Galileo. Këto informacione u zbuluan menjëherë pas update v11.21.

Tashmë janë zbuluar edhe disa file të tjera, që këtë rradhë tregojnë dy fazat e ardhshme të hartës që do të pozicionohen në Risky Reels, me shumë mundësi përpara eventit të Galileo.

Videoja e mëposhtme, e sjellë falë dataminer-it ‘FortToy’ tregon se çfarë ndryshimesh do të bëhen në Risky Reels përgjatë update-ve të ardhshme.

Leaks sugjerojnë se Risky Reels do të gërmohet

Momentalisht Risky Reels është plot me makina të parkuara në hapësirën kryesore që ndodhet përpara ekranit të madh të kinemasë. Gjithsesi, sipas këtij leak-u, këto makina do të zhvendosen, për të hapur vend për automjete ndërtimi si buldozera dhe vinça.

Update-i i ardhshëm mendohet të sjellë zona të rrethuara me kona për ndërtim, në zona të caktuara të hartës. Mund të hamendësojmë që një prej këtyre zonave që do të rrethohet për çfarëdo që mund të ketë planifikuar Epic të bëjë, është Risky Reels.

Nëse doni të lexoni rreth gjërave që janë zbuluar deri më tani për eventin Galileo, klinkoni linkun këtu.