Gjithçka që dimë për eventin Galileo të Risky Reels në Fortnite

Lojtarët e Fortnite Battle Royale mund të kenë një event të ri ‘Galileo’ në Risky Reels. Kjo është zbuluar nga data miners, bashke me shumë informacione të reja, para kohe.

Ky vend ka bërë hyrje-daljet e tij nga loja prej kohësh tashmë. Në Season 7 u zëvendësuar nga The Block dhe në Chapter 2 bëri rikthimin e tij triumfator, duke sjellë sërish në lojë ekranin e madh të kinemase dhe të të gjitha veçoritë e tij dalluese.

Siç veteranët e Fortnite e dinë deri më tani, evente me tematika të caktuara dhe ndryshimet e hartës gjithmonë e sjellin komunitetin e lojës në majë të gishtave. Kujtoni pak Season 10 në Fortnite, kur Rift Beacons po shkaktonin ndryshime të mëdha në hartën e ishullit.

Le të shohim të gjitha leaks që janë bërë deri tani për eventin me emrin e koduar ‘Galileo’.

Kur do të fillojë?

Hera e parë që pati përfolje për një event në Risky Reels ishte në 20 nëntor, kur data miners Lucas7yoshi dhe HYPEX zbuluan detaje të ndryshme mbi gjërat që mund të priteshin së shpejti në lojë.

Nuk ka dyshim që Epic ka plot gjëra të rezervuara për lojtarët e tij në prag të Krishtlindjeve, duke sjellë ndoshta një event me tematikën e festave të fundvitit. Gjithsesi, Lucas7yoshi thotë se në ekranin e madh të Risky Reels do të vihet një video për 2 minuta dhe do të mbarojë ekzaktësisht në 1 janar të 2020. Kjo shumë mirë mund të jetë mënyra e Fortnite për të mikpritur Vitin e Ri.

Çfarë do të ndodhë?

Krahas diçkaje që do të luhet në ekranin e madh të Risky Reels, HYPEX zbuloi disa ndryshime në këtë vendndodhje, duke treguar se automjetet dhe sende të tjera do të lëvizin në një farë pike. Siç mund të shihet edhe më posht, duket të ketë disa faza të ndryshme të pozicionimit të makinave. Ka edhe prova që sugjerojnë ardhjen e kamionave, por se për çfarë mund të shërbejnë këta të fundit, është ende herët për të folur.

Kjo nuk është e gjitha. Gjithashtu është zbuluar se një numër posterash do të shpërndahet vërdallë, me shumë mundësi për të promovuar eventin brenda lojës dhe për të inkurajuar lojtarët, që të vizitojnë atë pjesë të hartës.

Duhet të kemi parasysh se për momentin, eventi i Risky Reels nuk është konfirmuar nga Epic Games, ndaj mos i merrni menjëherë për të mirëqena këto informacione, pasi janë ende një leak dhe planet e zhvilluesit mund të ndryshojnë nga momenti në moment.

Gjithsesi, është e qartë që diçka po planifikohet për lojtarët e Fortnite. Mbetet të presim për të parë se çfarë do të jetë ekzaktësisht.