Shawn Layden ka punuar me Sony që prej 1987
Shawn Layden ka punuar me Sony që prej 1987
Shawn Layden, shefi i Playstation Worldwide Studios, po largohet nga kompania, lajmëroi Sony. Layden ka qënë kryetar i SIE Worldwide Studios që prej prillit të 2016 dhe ka punuar për Sony që prej 1987. Sony e zbuloi këtë gjë ditën e djeshme në Twitter, duke treguar se ai po largohet nga detyra e tij si drejtor i studiove të Sony.
It is with great emotion that we announce that Worldwide Studios Chairman Shawn Layden will be departing SIE. His visionary leadership will be greatly missed. We wish him success in future endeavors and are deeply grateful for his years of service. Thanks for everything, Shawn!
— PlayStation (@PlayStation) September 30, 2019
Tweet-i thotë: “Me emocion të madh lajmërojmë se drejtori i Worldwide Studios Shawn Layden do të largohet nga SIE. Drejtimi i tij vizionar do të na mungojë shumë. I urojmë sukses në të ardhmen dhe jemi shumë mirënjohës për këto vite shërbimi. Faleminderit për çdo gjë, Shawn!”
Asnjë informacion tjetër nuk u publikua për largimin e Layden dhe lajmi nuk është reflektuar në profilin e tij në Twitter ose LinkedIn. Megjithatë, Layden ka qënë një prej personave më kyç të eventeve të Playstation për shumë vite dhe shpesh ka qënë figura e kompanisë në prezantimet në E3. Asgjë nuk dihet se kush do të zëvendësojë Layden si figura qëndrore e Playstation.
SIE Worldwide Studios mbikqyr studiot që punojnë për lojërat ekskluzive të Playstation. Disa prej këtyre studiove janë Naughty Dog, Sucker Punch dhe Insomniac Studios, të cilat Layden ndihmoi të merreshin në 2019. Naughty Dog është mjaft e njohur për The Last of Us dhe momentalisht po punon për zhvillimin e lojës pasardhëse The Last of Us 2.