Loja kishte që në nëntor që nuk i arrinte këto shifra
Loja kishte që në nëntor që nuk i arrinte këto shifra
Numri i lojtarëve të Dota 2 ka qënë vazhdimisht në rënie gjatë vitit të fundit, por muaji i kaluar pa një rritje të madhe për disa arsye, me lojën që arriti 400,000 lojtarë për herë të parë që prej nëntorit të 2019.
Për shkak të ndryshimeve që Valve ka bërë në matchmaking, nisja e Dota Pro Circuit dhe coronavirus që i ka detyruar njerëzit të izolohen në shtëpi, numri i lojtarëve është rritur shumë.
Sipas Steam Charts, vetëm në shkurt, Dota 2 pa rritjen e parë që prej nëntorit me 7.14%, duke arritur 405,978 lojtarë mesatarë në muaj. Ky është numri më i lartë i lojtarëve që prej shtatorit të kaluar (421,971) dhe rritja më e lartë që prej shkurtit 2019 (18.74%)
Numrat kanë vazhduar të rriten edhe në mars, ku është parë një rritje me 1.48%, ndërkohë që loja ka arritur 412,000 lojtarë mesatarë dhe mbi 700,000 lojtarë maksimalë për herë të parë që prej nëntorit. Duke parë këtë rritje të vazhdueshme, Dota 2 mund të arrijë sërish 450,000 lojtarë mesatarë si në 2018.
Dota 2 nuk është loja e vetme që ka patur rritje, me CS:GO që arriti për herë të parë 1 milionë lojtarë, ndërkohë që Steam theu një rekord duke arritur mbi 20 milionë lojtarë.
Me njerëzit që po i drejtohen videolojërave gjatë kohës së izolimit ndaj coronavirus, edhe lojëra të tjera pritet të kenë të njëjtën rritje.