Ai e konfirmoi listën gjatë stream-it të tij
Ai e konfirmoi listën gjatë stream-it të tij
Pas një pritjeje të gjatë, mid laner-i Kim “Doinb” Tae-sang ka konfirmuar se pesë kampionët që do të marrin skin-e pas fitores së FunPlus Phoenix në Worlds 2019 do të jenë Gangplank, Lee Sin, Malphite, Vayne dhe Thresh.
Në stream-in e tij, 23 vjeçari tha se donte fillimisht të zgjidhte Yasuo për skin, por nuk mund ta bënte pasi nuk e kishte luajtur atë gjatë Worlds 2019. Në vend të tij, ai zgjodhi Malphite. Edhe pse duket një zgjedhje e çuditshme, në fakt ka një arsye mjaft interesante për këtë zgjedhje.
Doinb e luajti Malphite vetëm një herë kundër GAM Esports dhe kishte shumë kampionë të tjerë që ishin më të rëndësishëm për FPX në Worlds 2019. Megjithatë, Doinb shpjegoi se zgjodhi Malphite për gruan e tij, pasi ai është një prej kampionëve të vetëm që ajo mund të luajë. Ai gjithashtu zgjodhi Malphite që lojtarët të kenë mundësi ta përdorin sa më shumë, pasi Malphite nuk kërkon shumë mekanika.
Për sa i përket shokëve të tij të ekipit, zgjedhjet e tyre kanë shumë kuptim kur shikon suksesin e tyre në Worlds. Kim “GimGoon” Han-saem luajti 6 lojëra Gangplank në Worlds me KDA 8.9. Po ashtu, Gao “Tian” Tian-Liang luajti gjashtë herë Lee Sin në Worlds, ku 3 prej lojërave ishin në finale përballë G2 Esports.
Lin “Lwx” Wei-Xiang e zgjodhi Vayne vetëm 2 herë në Worlds, por kampioni është padyshim një prej më popullorëve në lojë. Ndërkohë, Liu “Crisp” Qing-Song e zgjodhi Thresh 4 herë, duke fituar çdo lojë me të.
Fansat e FPX duhet të presin edhe pak që skin-et të vijnë në lojë. Ato pritet të vijnë rreth verës, duke qënë se skin-et e IG erdhën vitin e kaluar në qershor.