Disney+ ndryshon çmimet e abonimeve

Disney+ erdhi para disa muajsh në Shqipëri dhe shumë vende të tjera të rajonit duke ofruar filma, dokumentar, seriale dhe më shumë nga Marvel, Pixar dhe National Geographic dhe më shumë. Dhe tashmë një njoftim i ri ka zbuluar se ky abonim do të sjellë ndryshime në çmim.

Ky njoftim ka ardhur gjatë deklaratës së të ardhurave të kompanisë Walt Disney e cila ka në pronësi gjithashtu edhe Disney+. Gjatë kësaj deklarate ata kanë zbuluar se do të rrisnin çmimin e abonim të Disney+, duke e bërë çmimin e ri 10.99 dollarë në muaj dhe 109.99 dollarë në vit. Çmimi i ri do të nis të zbatohet që prej muajit dhjetor të vitit 2022.

Bashkë me këtë ndryshim u zbulua edhe një plan i ri abonimi i shumëpritur për përdoruesit e Disney+ i cili do të kushtojë më pak se abonimi normal por do të ketë reklama në të. Ky abonim do të kushtojë rreth 7.99 dollarë në muaj. Fatkeqësisht plani vjetër për këtë lloj abonimi nuk do të ofrohet.

Çfarë është Disney+?

Disney Plus është një prej shërbimeve streaming më të mëdha në botë për transmetimin e serialeve dhe TV Show, dokumentarëve të ndryshëm të Marvel, Pixar, Disney, National Geographic dhe më shumë. Dhe tashmë ky shërbim streaming ka ardhur së fundmi edhe në Shqipëri dhe Kosovë.

Në fillim të këtij viti, Disney Plus zbuloi se do të vinte në 42 shtete të reja këtë verë dhe mesa duke ata e kanë mbajtur premtimin. Dhe një ndër këto shtete ishte edhe Shqipëria. Tashmë çdo person nga Shqipëria ka mundësinë të abonohet në shërbimin streaming dhe të ndjek serialet dhe TV Show, dokumentarët që Disney Plus ofron.

Nxitoni të përfitoni akoma nga çmimet momentale që Disney+ ka dhe të shijoni dokumentaret, filmat dhe serialet që ky abonim ka.

Gjithashtu mos harroni të na hidhni një sy edhe në TikTok ku do të gjeni informacione të ndryshime mbi gaming, anime, entertainment dhe më gjerë.