Eksplorimi 3D i botës ka ardhur në Minecraft nëpërmjet aplikacionit Google Earth
Eksplorimi 3D i botës ka ardhur në Minecraft nëpërmjet aplikacionit Google Earth
Google kohët e fundit na ka mundësuar shumë gjëra dhe një prej tyre është eksplorimi i botës në 3D. Kjo gjë ka bërë që shumë përdorues të Minecraft të krijojnë vende të ndryshme në të por së fundmi dikush ka bërë të mundur krijimin e të gjithë botës në 3D duke sjellë vende tepër unike.
Nëpërmjet një postimi në Reddit, r/KevinJNguy01 ka treguar një metodë unike e cila në vend që të lodhesh duke krijuar vetë një vend të Tokës në Minecraft, bën të mundur kalimin e informacioneve nga Google Earth në Minecraft. Kjo gjë ka bërë të mundur rikrijim e shumë vendeve të njohura.
Duke përdorur programin RenderDoc ai akseson të dhënat e Google Earth. Këto të dhëna kalojnë në Blender ku eksportohen në një skedar. r/KevinJNguy01 përdor programin e tij për të konvertuar skedarin në një datapack i cili mund të përdoret në Minecraft.
Deri më tani ai ka arritur të rikrijojë në Minecraft New York, Londrën dhe Tokion pasi janë qytetet të cilat kanë më shumë detaje në Google Earth.
Edhe pse kjo është metoda më e shpejtë dhe më e mirë për të ndërtuar një vend të botës, KevinJNguy01 është i vetmi që mund ta përdor. Kjo ndodh sepse aplikacioni që ai ka krijuar thyen disa prej Google T.O.S (Terms of Service).
Gjithashtu mos harroni t’i hidhni një sy 5 seeds më të mira për Minecraft dhe modeleve më të mira për ndërtimin e shtëpive tuaja në Minecraft.