Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Modele për shtëpitë tuaja në Minecraft duke filluar nga më të lehtat deri tek më të vështirat
Ndërtimi i një shtëpie në Minecraft nuk është aspak e lehtë pasi do t’iu duhet të llogarisni çdo material dhe mënyrën se si do ta ndërtoni. Për t’iu ardhur ndihmë ne do t’iu sjellim disa modele shtëpish të cilat mund t’i ndërtojnë të gjithë.
Shtëpi mesjetare
Shtëpitë mesjetare në minecraft mund të jenë të çdo lloj forme dhe madhësie duke filluar nga kështjellat e mëdha me stone dhe deri tek ato më të thjeshtat me cobblestone. Gjithashtu mund të ndërtoni edhe një shtëpi të thjeshtë duke përdorur thjesht oak. Një model i mirë do të ishte kombinimi i stone me oak pasi do t’iu kursej shumë kohë dhe do ta bëjë shtëpinë tuaj më të bukur.
Shtëpi në pemë
Edhe pse mund të jetë diçka e vështirë dhe ndoshta e lodhshme, shtëpinë në pemë në Minecraft do t’iu hyjnë shumë në punë kundër mobs të ndryshëm si creepers ose zombie. Mund ta ndërtoni atë nga fillimi ose në ndonjë pemë të lartë. Ndërtimi i bazës është i rëndësishëm në varësi të hapësirës që ju dëshironi për shtëpinë tuaj. Gjithashtu ju mund ta zbukuroni shtëpinë tuaj me lule të ndryshme.
Shtëpi prej druri
Shtëpitë prej druri iu ofrojnë një shumëllojshmëri të madhe zgjedhjes pasi ju mund të zgjidhni ngjyrën e drurit që dëshironi. Gjithashtu ju mund të zgjidhni hapësirën dhe formën që dëshironi për aq kohë sa keni materiale të mjaftueshme. Përveç lehtësisë që iu ofron për ta ndërtuar, kjo shtëpi mund të rindërtohet dhe riparohet në shumë pak kohë.
Shtëpi moderne
Nëse ndoshta nuk iu pëlqejnë modelet e mësipërme, një shtëpi moderne do të ishte zgjidhja ideale për ju. Materialet që mund t’iu duhen për të ndërtuar ketë shtëpi janë, stone, clay, glass dhe materiale të tjera bazë. Shtëpitë moderne mund t’iu shpenzojnë shumë kohë për t’i planifikuar dhe për t’i ndërtuar prandaj do t’iu duhet të jeni të përgatitur dhe të dedikuar për ta bërë ketë gjë.
Shtëpi plazhi
Nëse doni një shtëpi ku ju mund të relaksoheni dhe të qetësoheni, atëherë një shtëpi afër plazhit mund të jetë zgjidhja më e mirë. Duke përdorur birch wood dhe materiale të tjera ju mund të ndërtoni një shtëpi të madhe afër detit dhe me një pishinë.
Shtëpi japoneze
Nëse keni dëshirë të provoni diçka ndryshe nga modelet e mësipërme, një shtëpi e modelit japonez mund të jetë zgjedhja e duhur për ju. Edhe pse mund të jetë një model i vështirë për t’u ndërtuar, nëse keni durim e duhur mund t’ia dilni. Për ta ndërtuar do t’iu nevojitet cobblestone, acacia logs, wood, sandstone dhe nëse dëshironi ju mund ta rrethoni shtëpinë me pemë qershie duke përdorur pink wool.
Shtëpi vilë
Nëse keni durim dhe përkushtim për të ndërtuar diçka me të vërtetë ndryshe dhe reale, ndërtimi i një vile ndoshta është modeli që duhet të ndërtoni. Ndërtimi i këtij modeli nuk mund të jetë kompleks por do t’iu duhen materiale të ndryshme. Gjithashtu mund të shtoni gjëra të tjera brenda shtëpisë tuaj si kuzhinë ose jashtë saj si ferma me perime ose fruta të ndryshëm.
Nëse kërkoni modele të tjera, atëherë Grabcraft është vendi i duhur. Në ketë website mund të gjeni blueprint të ndryshëm për shumë modele shtëpish. Por nëse dëshironi të eksperimentoni me diçka ndryshe, instalimi i Minecraft Mod mund t’iu hyjë në punë. Si fillim do t’iu duhet të instaloni Minecraft Forge për të instaluar mods të tjera në Minecraft.
