Mesa duket loja do të duket fantastike në GPU-të e Nvidia
Mesa duket loja do të duket fantastike në GPU-të e Nvidia
Cyberpunk 2077 do të ketë disa veçori specifike për GPU-të Nvidia RTX. Nvidia dhe CD Projekt Red konfirmuan se loja do të ketë disa opsione ekstra RTX kur të lançohet më 19 nëntor. Vetëm versioni për PC suporton ray-tracing tani për tani, por ekziston mundësia që ray-tracing të vijë në Cyberpunk 2077 edhe në konsolat e gjeneratës së ardhshme.
Këto janë opsionet ekstra që do të ketë Cyberpunk 2077 në GPU-të Nvidia RTX:
Ambient occlusion është një teknikë që përdoret për të ndriçuar siç duhet cepa dhe të çara të ndryshme. Me ray-tracing, GPU-ja mund të vendosë lehtësisht se sa rreze drite arrijnë një pikë të caktuar dhe të ndryshojë ndriçimin.
Diffuse illumination është një mënyrë për të llogaritur se si drita ndryshon kur kalon në objekte dhe hapsira të ndryshme, duke e bërë më të saktë mënyrën se si drita vjen nga qielli ose nga burime të ndryshme drite.
Për sa i përket reflektimeve ray-traced, Cyberpunk 2077 e përdor ray tracing për të llogaritur se si drita reflektohet në sipërfaqe të ndryshme, duke i bërë pellgjet, pasqyrat dhe metalin të duken si në jetë të vërtetë.
Ndërkohë, hijet ray-traced janë të limituara vetëm tek drita nga dielli dhe hëna, por edhe këtu ray-tracing e bën më të saktë ndriçimin në lojë.
CD Projekt Red po punon shumë me ray tracing në Cyberpunk 2077, duke e zgjeruar dhe më tej listën e premtimeve nga 2019, kur studioja do sillte vetëm ambient occlusion dhe diffuse illumination, gjë që nuk e ndryshonte shumë lojën. Tani që zhvilluesit kanë sjellë reflektime dhe hija, Cyberpunk 2077 do të duket shumë më realistik dhe do të mund të përdorë GPU si RTX 2080 Super në maksimumin e potencialit.
Cyberpunk 2077 gjithsesi nuk do të ketë ray-traced global illumination, ku GPU-ja kalkulon çdo lloj ndriçimi në lojë gjatë gjithë kohës. Ky lloj ray-tracing është ai që e bën të duket Minecraft fantastik në GPU-të RTX. Megjithatë, kjo veçori është e tepruar për një lojë të madhe si Cyberpunk 2077 dhe padyshim që do ti ngarkonte shumë GPU-të. Plus, duke marrë parasysh që loja gjithsesi do të ketë ndriçim normal për konsolat e gjeneratës së tanishme dhe GPU më të dobëta, do të ishte një punë mjaft e tepërt.