CS:GO ka pasur numrin më të lartë mesatar të lojtarëve ndonjëherë
CS:GO ka pasur numrin më të lartë mesatar të lojtarëve ndonjëherë
Një operacion i ri, Shattered Web, erdhi kohët e fundit në Counter-Strike: Global Offensive, duke sjellë harta, agjentë, një battle pass dhe më shumë në lojën multiplayer FPS të Valve. Duket se shumë lojtarë janë rikthyer, pasi loja ka arritur numrin më të lartë mesatar të lojtarëve që prej lançimit të saj një dekadë më parë.
Faqja e CS:GO në Steam Charts tregon se në nëntor të 2019, loja pati mesatarisht 426,080.8 lojtarë, shifra më e lartë e të gjitha kohërave dhe madje me shumë diferencë. Muaji i dytë me shifra më të larta ishte gushti i këtij viti, me mbi 415 mijë përdorues mesatarisht, i ndjekur nga shtatori, tetori dhe janari i 2019, si dhe shkurti i 2017, të cilat kanë pasur të gjitha mbi 400 mijë lojtarë mesatarisht. Pra, këto janë shifra shumë të mira për lojën.
Ky rekord i ri koinçidon me lançimin e Operation Shattered Web në CS:GO në 18 nëntor. Operacioni i ri solli një sistem progresioni të ngjashëm me një battle pass, i cili ju lejon të fitoni yje nëpërmjet misioneve javore dhe të merrni sende të reja cosmetics, si dhe një skin special Master Agent kur merrni 100 yje.
Operation Shattered Web gjithashtu ka një sistem arritjesh, si dhe ka sjellë harta si Lunacy, Jungle dhe Studio.
Nëntori gjithashtu ka pasur numrin më të lartë të lojtarëve që prej 2017, me mbi 758 mijë lojtarë në lojë. Kjo është më e lartë se shifra e dhjetorit të 2018 (mbi 746 mijë), kur në lojë u lançua mode-i battle royale Danger Zone.