E premtja ose 12 tetori i 2018 njihet si data e lançimit në treg te ‘first person shooter’ Call of Duty Black Ops 4. Deri më tani nuk i dihej se cila do të ishte pika e nisjes. Ky detaj i vogël është zbuluar nga zhvilluesi i Studio Treyarch. Në Reddit.com u shpall se ju mund të merrni pjesë në luftimet e Black Ops 4 në orën 6 të mëngjesit- ne PC.
Për më tepër, Treyarch konfirmoi edhe një herë se faza preload e versionit PC nëpërmjet Battle.net, ka qenë në aktivitet të plotë që mbrëmë. Kështu, ata që duan ta porosisin më herët, tashmë mund të shkarkojnë të gjitha të dhënat e nevojshme, për të filluar që në ditën e nisjes. Download-i është në total 55 gigabajt , kështu në varësi të lidhjes së internetit, do duhet të kini pak durim.