Ngjarja më e fundit e cila ka lidhje me PS5 vjen nga Taiwan
Ngjarja më e fundit e cila ka lidhje me PS5 vjen nga Taiwan
Kemi parë ngjarje nga më të ndryshmet kohët e fundit lidhur me PlayStation 5 që prej hedhjes në treg për herë të parë. Ngjarja më e fundit vjen nga Taiwan ku një burrë është detyruar të shesë PS5 e tij i cili ishte pothuajse fringo i ri sepse gruaja zbuloi që nuk ishte pajisja që ajo dëshironte.
E gjithë kjo histori vjen nga një post i shpërndarë në Facebook nga një njeri në Taiwan i cili gjeti dikë që po shiste një PS5 me një çmim tepër të ulët në një moment kur nuk mund të gjeje asnjë në treg. Personi bie dakord me shitësin që të takohet dhe të blejë konsolen.
Pasi ata takohen, shitësi i tregon historinë se pse ai po e shet konsolen. Dizajni i PlayStation 5 mund të ngjasojë me shumë pajisje të tjera dhe kjo gjë ka bërë të mundur që shitësi në fjalë ta blejë ketë konsole duke iu mbushur mendjen gruas së tij, me justifikimin se ishte një pastrues ajri.
Por e gjithë kjo nuk ka qënë e mjaftueshme pasi gruaja e tij e ka kuptuar pas disa kohësh dhe ai është detyruar ta shesë konsolen e tij në një moment ku e gjithë bota është “në krizë” për të shtënë në dorë një PlayStation 5. Në fund ai shprehet se femrat janë akoma të afta të dallojnë diferencën midis një pastruesi ajri dhe një konsole PS5.
Shumë ngjarje të çuditshme po ndodhin së fundmi të cilat kanë lidhje me PlayStation 5 dhe ne kemi sjellë disa prej tyre. Mos harroni t’iu hidhni një sy lajmeve se ndoshta “rastësisht” iu kanë shpëtuar ku klientët po marrin ushqim maceje në vend të PS5 ose po bëjnë propozime me PS5.