Pse klientët po marrin ushqim maceje në vend të PS5?

Ardhja e ushqimit të maceve ose oriz në vend të PS5 ka ngritur shqetësime të mëdha nga klientët e Amazon UK

Shumë prej klientëve të Amazon UK kanë shprehur shqetësime të ndryshme në lidhje me dërgesën e tyre të PlayStation 5. Një numër I konsiderueshëm klientësh raportojnë se në vend të konsoles së tyre të re next-gen ata po marrin ushqim maceje, oriz ose pajisje të ndryshme për barbeque.

Nëpërmjet platformave të ndryshme sociale si Reddit ose Twitter, klientë të ndryshëm kanë shprehur problemet që ata kanë hasur në lidhje më dërgesat e PlayStation 5. Disa prej tyre në vend të konsoles kanë marrë ushqim maceje kurse disa të tjerë një pistoletë lodër ose një pajisje për barbeque.

Gjithashtu ka patur shumë raste ku thuhej se korrieri ka qëndruar para shtëpisë së tyre për disa minuta dhe më pas është larguar. Kjo gjithashtu shton dyshimet se PS5 mund të jenë vjedhur dhe ndërruar me gjëra të tjera nga korrierët. Por kjo nuk largon dyshimet se gjithashtu e gjithë kjo gjë mund të jetë një gabim i kryer nga Amazon.

I gjithë ky problem i ka lënë klientët e Amazon UK tepër të pakënaqur. Shumë prej tyre kanë kryer ankesa të ndryshme ndaj kompanisë dhe e vetmja përgjigje që ata kanë marrë është se do të marrin përgjigje 48 orë pas kryerjes së investigimit mbi këto ngjarje.

Tashmë që PlayStation 5 është “out of stock”, klientëve do t’iu duhet të presin për valën e dytë të PS5 të rinj në treg. Mungesa e PS5 në treg ka bërë që shumë gjëra të ndodhin duke filluar që prej propozimeve të martesave me PS5 ose dhuratat me PS5 dhe deri tek shitja e tyre me çmime të çmendura.