Atlete me RTX 3080?!

Këto atlete me RTX 3080 do të kenë edhe RGB

Ndërkohe që bota është në krizë për karta grafike dhe sidomos për serinë më të fundit të Nvidia RTX 30, një bashkëpunim midis NZXT dhe kompanisë Artifact Studios sjell atletet e para të cilat do të kenë një GPU Nvidia RTX 3080.

NZXT njihet nga të gjithë për komponentët e ndryshëm që ka duke filluar që nga case dhe deri tek ndërtimi i PC sipas preferencave kurse Artifact Studios njihet për dizajnet e ndryshme të atleteve. Së fundmi këto dy kompani kanë bashkëpunuar për të sjellë çudinë e radhës, një PC në formën e atleteve e cila do të ketë në të një GPU Nvidia RTX 3080.

Këto atlete do të kenë dy sisteme NZXT Kraken Z63 AIO water cooling dhe në video shfaqen disa karaktere nga anime të ndryshme si Yu-Gi-Oh!, Dragon Ball dhe DARLING in the FRANXX. Gjithashtu mund të vëmë re se këto “atlete” mund të lidhen me një monitor dhe të komandohen nga programi NZXT CAM.

Dhe se ndoshta nuk e keni kuptuar akoma, këto atlete nuk do të mund të vishen pasi brenda saj dallohen qartë komponentët kompjuterik. Akoma nuk dihet se çfarë komponentësh do të kenë për CPU, RAM ose Motherboard ose nëse këto atlete-PC do të jenë të vlefshme për publikun.