Android është sistemi operativ që përdorin një pjesë e mirë e pajisjeve mobile sot dhe Google sapo ka lançuar një version të ri Android.
Android i ri që ka ardhur është Android 13 dhe i cili është akoma në fazën e developer preview. Por çfarë do të thotë kjo? Kjo do të thotë që ju mund të shikoni se si Android 13 do të jetë, veçoritë e reja por jo të gjithë do të kenë akses në të duke qenë se nuk është akoma stabël.
Sipas planit të postuar, faza developer preview pritet të zgjasë deri më mars ku do të kaloj në fazën Beta dhe që mund të aksesohet lehtësisht. Faza Beta do të vazhdojë deri më qershor. Në qershor pritet që të jetë më stabël dhe më vonë të fillohet të përdoret nga të gjithë.
Ndër veçoritë e reja që mund të përmendim është fokusi i madh në privatësi dhe siguri. Me pak fjalë tashmë çdo e dhënë si foto ose dokument do të ketë një nivel më të lart sigurie dhe nuk do të lejojë çdo aplikacion që ta aksesojë atë.
Tashmë do të keni më shumë mundësi për të personalizuar UI duke iu lejuar që të ndryshoni ngjyrën e ikonave të çdo aplikacioni. Kjo e rrit nivelin e personalizimit në Android siç mund ta shohim në imazhin e mësipërm.
Nëse jeni kurioz për ta provuar Android 13, ju mund ta bëni këtë gjë momentalisht vetëm nëse keni një smartphone Pixel 6 Pro, Pixel 6, Pixel 5a 5G, Pixel 5, Pixel 4a 5G, Pixel 4a, Pixel 4 XL, ose Pixel 4.