Përsëri loja më e famshme e momentit arrin të qëndrojë e para si loja më e shkarkuar por tashmë Among Us po has një problem
Përsëri loja më e famshme e momentit arrin të qëndrojë e para si loja më e shkarkuar por tashmë Among Us po has një problem
Mesa duket Among Us përsëri nuk ndalet dhe qëndron në vendin e parë për numrin e shkarkimeve për muajin e tretë radhazi. Këto të dhëna janë raportuar nga kompania analitike Sensor Tower e cila gjithashtu ka nxjerrë në dritë një problem që loja po has.
Gjatë muajit nëntor Among Us ishte shkarkuar afërsisht 53.2 milion herë nga App Store dhe Google Play Store së bashku, një shifër që është afërsisht 10 herë më shumë se nëntori i vitit 2019. Shumica e këtyre shkarkimeve ishin nga SHBA me afërisht 15.8 përqind. Afërisht nëntë përqind e këtyre shkarkimeve vinin nga shteti i Brazilit.
Problemi qëndron tek fakti se ky numër shkarkimesh është më i ulët se numri i shkarkimeve të muajit tetor. Gjatë muajit tetor Among Us arriti një numër prej 74.8 milion shkarkimesh. Por përsëri kjo gjë nuk e ka ndalur që të fitojë çmimet si Best Multiplayer Game dhe Best Mobile Game.
Gjithashtu gjatë The Game Awards Among Us prezantoi hartën e re Airship bashkë me shumë veçori të reja që loja do të sjellë gjatë muajve të parë të vitit 2021.