Among Us zbulon hartën e re gjatë The Game Awards

Among Us shfrytëzon eventin e The Game Awards për të prezantuar hartën e re

Gjatë mbrëmjes së djeshme, Among Us shfrytëzoi The Game Awards për të prezantuar hartën e re të quajtur The Airship dhe shumë veçori të tjera që loja ka planifikuar të sjellë. Përveç kësaj loja më popullore multiplayer fitoi edhe dy çmime: the Best Mobile Game dhe Best Multiplayer.

Harta e re Airship do të jetë harta më e madhe që ka ardhur ndonjëherë në Among Us. Kjo gjë ka ngritur shqetësimin se impostera mund të shkëlqejnë në këtë hartë duke i vendosur crewmate në disavantazh. Por kjo gjë gjithashtu është një balancim i lojës pasi gjatë kohëve të fundit crewmates kanë mësuar strategji të ndryshme që bën të mundur që ata të dalin fitues.

Bashkë me këtë hartë do të vijnë edhe shumë tasks të reja për crewmates dhe animacione të reja për imposter kur ata vrasin dikë. Një veçori e re që do të vijë bashkë me hartën e re është zgjedhja e vendit ku do të shfaqeni pasi të mbaroni meeting.

E gjitha kjo është planifikuar të vijë gjatë muajve të parë të vitit 2021 dhe e gjitha do të jetë falas.