Duket se A Plague Tale 2 mund të jetë në punim e sipër. Kjo sipas raportimeve së vazhdimi i A Plague Tale: Innocence i Asobo Studio është në zhvillim e sipër dhe do të lançohet rreth 2022.
Sipas burimit të informacionit thuhet se, sado që loja e parë ishte menduar të qëndronte individuale, suksesi i A Plague Tale: Innocence ka ndryshuar planet për publikuesin e saj, Focus Home Interactive. Loja realisht mori një vlerësim shumë të mirë nga kritika. Në review-n tonë ajo u vlerësua me 8.7/10.
Publikuesi i lojës mendohet ti ketë kërkuar Asobo Studios për vazhdimin e lojës, ndaj nëse do të kemi një seri të dytë të këtij single-player-i, do të jetë nga zhvilluesit origjinalë të saj.
Focus ka thënë: “Sigurisht që kemi njoftuar vitin e shkuar se do të bashkëpunojmë sërish me Asobo për një projekt të ardhshëm, por kurrë nuk kemi konfirmuar nëse ka qenë një vazhdim i A Plague Tale apo jo. Do të japim më shumë detaje rreth këtij projekti kur të vijë koha.” Pra, A Plague Tale 2 nuk është konfirmuar, por duket të ekzistojë si mundësi.