Këto janë lojërat që janë bazuar në disa nga legjendat më të frikshme urbane.
Këto janë lojërat që janë bazuar në disa nga legjendat më të frikshme urbane.
Creepypastas janë pak a shumë histori horrori dhe aktiviteti paranormal që janë krijuar nga imagjinata e internetit. Ato kanë kaq vite që qarkullojnë dhe realisht ofrojnë disa nga historitë më të frikshme dhe të çuditshme që mund të lexosh në orën 2 të natës kur jeni kapur në një vorbull të YouTube ose Reddit.
Disa nga lojërat më të suksesshme dhe disa nga kultet më të çuditshme janë frymëzuar nga kjo anë e internetit për të bërë atë që bëjnë. Keni dëgjuar ndonjëherë për Slender Man? SCP? Jeff the Killer? Sonic.exe? Lavender Town? Këto janë të gjitha Creepypasta që ja kanë dalë të lënë gjurmë të përhershme në internet.
Për ju që doni të zhyteni në disa nga lojërat më të çuditshme, misterioze dhe të errëta që ofrohen, poshtë do të gjeni 8 lojëra të frymëzuara nga Creepypastas që me shumë mundësi do ju japin makthe.
Control është loja më e fundit nga mendjet krijuese të Remedy Entertainment, studioja pas lojërave si Alan Wake dhe Quantum Break. E frymëzuar nga databaza e SCP, Control ju vë në eksplorim të një ndërtese që mbart brenda saj elementin e të panjohurës, të pashpjegueshmes dhe të rrezikshmes.
SCP është analogia e organizatës ku ju futeni në botën e Creepypastas. Sipas internetit SCP merr individë, vendndodhje dhe objekte vdekjeprurëse që bien në kundërshtim me ligjet e natyrës. Çdo hyrje e saj shkruhet në kod ushtarak dhe është e mbushur me sekrete dhe të dhëna për fenomene të pashpjegueshme.
Mund të dallohen ngjashmëritë me Oldest House në Control, që premton fragmente të historive të frikshme që pritet të zbulohen përgjatë eksplorimit të mjedisit.
Nga Herobrine në Pokemon Blue, Lost Silver dhe Black, videolojërat e përndjekura janë ndoshta një nga format më të përhapura të creepypasta. Mund të mendoni se është e vështirë të kthesh një histori për videolojërat e përndjekura në një videlojë më vete, por kjo është pikërisht ajo çfarë Stories Untold bën në episodin e parë. L
Në Episode One ju do të luani aventurën The House Abandon, por menjëherë do të ndjeni që diçka nuk po shkon siç duhet. Duke ndjekur deri diku një strategji Shekspiriane dhe duke vënë lojën brenda lojës, zhvilluesit e Stories Untold i ndërthurin këto dy shtresa, ku mesazhet tuaja ndikojnë edhe House Abandon edhe dhomën në të cilën personazhi juaj ulet që të luajë. Nëse mendoni se ky nivel shkëputjeje ul prezencën e horrorit, e keni tmerrësisht gabim.
Slender Man mund të jetë legjenda urbane më e përhapur në internet. Fama e këtij përbindëshi është përdorur jo vetëm në videolojëra, por edhe në një film Hollywood-i. Një nga lojërat më të mira me këtë creepypasta, Slender: The Eight Pages, ju vë në gjurmin të tetë fletëve në një pyll të frikshëm, teksa ju ndjek nga pas një burrë i gjatë me kostum të zi dhe fytyrë të bardhë që mund ose mund të mos ketë tentakula.
Loja është e famshme, e thjeshtë dhe mbështetet kryesisht në jumpscares për elementin e horrorit, por e bën këtë në një mënyrë që nuk bëhet e mërzitshme dhe që me shumë mundësi do ju mbajë të ulur derisa t’ja keni nxjerrë fundin lojës.
Slender Man ka qenë protagonisti i qindra creepypastave, legjendave urbane dhe videove të YouTube. Fama e tij mund të jetë zbehur tani, por personazhi padyshim që ka lënë një përshtypje të madhe në kulturën e internetit, lojërave horror dhe komunitetit të creepypasta.
Polybius është një legjendë urbane që mund të jetë më e vjetër se vetë interneti. Legjenda e ka që në Amerikën e viteve ’80 , ekzistonte një lojë arcade që shkaktonte dhimbje koke, kriza dhe humbje kujtese. Çdo kabinet mendohej se monitorohej nga Man In Black ose ndonjë lloj agjensie tjetër diskrete qeveritare, përpara se loja të zhdukej në mënyrë misterioze.
Pas dekadash me thashetheme dhe creepypasta mbi këtë koncept, legjenda e programimit Jeff Minter solli versionin e tij të lojës në 2017. Loja vinte si një tentativë për të zhdukur thashethemet kontradiktore që qarkullonin mbi legjendën urbane origjinale. Gjithsesi Polybius ka si qëllim që të sjellë ndjenja të lumtura për lojtarin dhe jo kriza.
Kur ishim të vegjël, gjithmonë ishte dikush që kishte një xhaxha që punonte për Nintendo. Nëse dinin sekretet për të marrë një Mew ose për të bërë unlock Sonic në Super Smash Meele, gjithmonë ishte një fëmijë në çdo shkollë që dinte të gjitha sekretet për lojërat e Nintendo, falë një të afërmi misterioz. Kjo ide ka sjellë një videolojë të sajën.
The Uncle Who Works For Nintendo merr një pjesë të këtyre historive dhe i ngjesh ato bashkë në një aventurë mesazhes argëtuese dhe deri diku të frikshme. Loja duhet të luhet disa herë që të plotësohet. Fillimisht historia luhet direkt, duke ju transportuar në pikat e fëmijërisë ku shkëmbeheshin këto biseda, por diçka nuk do të shkojë siç duhet dhe pikërisht këtu loja merr hovin e saj.
The Midnight Game është pak a shumë e sjellë nga creepypasta me të njejtin emër, që nuk është tamam një histori, por një listë udhëzimesh tmerruese. E bazuar në një ritual pagan për të dënuarit, edhe creepypasta edhe loja rrotullohen rreth të plotësuarit të një rituali për të ftuar Midnight Man në shtëpinë tuaj. Një ide idiote…
Nga ana e strukturës, loja ngjason shumë me Slender, por ka dallime të sajat. Tani ekzaktësisht pse do të donit të thirrni një krijesë që do t’ju vrasë dhe t’ju çmendë është komplet pyetje tjetër.
Në ngecësh në një videolojë nuk është ndonjë ide e re në internet, por ndërkohë që shumica e lojërave janë dizenjuar për të qenë gallatë, Pony Island literalisht u krijuar nga Luciferi, ose të paktën kështu e ka legjenda urbane. Ka shumë creepypasta rreth tematikës së të ngecurit në lojë, por asnjë nuk ka arritur cilësinë e Tron ose Jumanji.
Pony Island e provon këtë, por në një mënyrë më të errët. Ideja është që ju do të ngecni në lojë dhe do të ekspozoheni në kodimin satanik që mban së bashku këtë purgator. Mënyra më e mirë është që të gjeni një arratisje dhe të shmangni demonin që ju pëshpërit në vesh.
Creepypastas bazohen në idenë e të tremburit të të pafajshmëve dhe nuk ka asgjë më të pafajshme se kukullat robotike apo jo? Përveç atyre që kanë dekada që tmerrojnë fëmijët në restorant picash. Five Nights at Freddy’s ju vë në rolin e një roje sigurimi që po bën turnin e natës në këtë restorant picash.
Pavarësisht historisë, koncepti i lojës qendron i thjeshtë: shmang kukullat vrasëse. Seria e lojërave është frymëzuar nga numri i madh i creepypastave që ka rrethuar restorantet Amerikane, por që kur mori pak famë, është bërë burim për edhe më shumë creepypastas.
Ju kujtojmë se tani që hyri tetori Halloween-i është afër. Po ju a do të guxoni të luani ndonjë nga këto lojëra?