Zbulohet trailer dhe se kur do të vijë Genshin Impact Version 2.7

Pas problemeve të shumta që zhvilluesi i Genshin Impact, Hoyoverse, ka patur për shkak të situatës në Shanghai më në fund kemi një trailer, data lançimi dhe karaktere të reja që do të vijnë së shpejti në lojë.

Dy karakteret e reja që do të vijnë në lojë do të jenë Kuki Shinobu dhe Yelan. Yelan do të jetë Hydro dhe do të përdorë bow dhe e kemi parë për herë të parë gjatë ngjarjeve në versionin 2.6. Historia e saj mbetet një mister por dimë që ajo ka lidhje me Ministry of Civil Affairs në Liyue.

Karakteri i dytë që do të vijë është Kuki Shinobu e cila do të jetë Electro dhe do të përdorë sword dhe kjo është hera e parë që do ta shohim atë në lojë. Ajo është pjesë e Arataki Gang në Inazuma.

Update 2.7 i Genshin Impact do të quhet Hidden Dreams in the Depths dhe do të vijë më 31 maj 2022. Versioni 2.7 pritet të zgjasë deri më 13 korrik ku do të pasohet nga update 2.8.