Xbox Game Pass sjell lojëra të mëdha për gushtin

Si çdo fillim muaji, Xbox nis dhe zbulon disa nga lojërat falas që priten të vijnë ose do vijnë në Xbox Game Pass. Dhe mesa duket ky muaj pritet të sjellë goxha lojëra sipas njoftimit të bërë nga Xbox.

Nëpërmjet një njoftimi të bërë në Xbox Wire, Microsoft ka zbuluar më në fund se cilat do të jenë lojërat e reja që do t’i bashkohen Xbox Games. Gjithashtu do të kemi  disa surpriza të këndshme dhe gjithashtu lojëra që s’kanë dalë akoma por të cilat do të jenë pjesë e Xbox Games Pass që prej lançimit të tyre.

Cilat janë lojërat e reja në Xbox Game Pass për muajin Gusht?

Loja e parë është Tom Clancy’s Ghost Recon Wildlands e cila është një lojë third-person open-world e vendosur në një botë të madhe të rrezikshme. Ju do të jeni pjesë e një ekipi special të US Special Forces të quajtur Ghosts dhe jeni të ngarkuar me detyrën për të luftuar kartelin e Stana Blanca dhe shpëtoni Bolivia nga rrënimi.

Ju vendosni se si të luani dhe çdo vendimmarrje ndikon botën rreth jush. Tom Clancy’s Ghost Recon Wildlands është i vlefshëm në Xbox Games Pass për Cloud, konsole dhe PC.

Lojërat e ardhshme janë Shenzhen I/O që u lançua ditën e djeshme për PC bashkë me Turbo Golf Racing për Cloud, PC dhe Xbox Series X/S. Loja e fundit Turbo Golf Racing duket si Rocket League por kësaj here e vendosur në formën e një fushe golfi.

Më 9 gusht pritet që të vijë Two Point Campus e cila gjithashtu është një lojë që do të vijë në Xbox Games Pass që në ditën e lançimit. Më 11 gusht do të vijë Cooking Simulator bashkë me Expeditions: Rome dhe Offëorld Trading Company.

Fatkeqësisht, më 15 gusht do të largohet një numër i madh lojërash të tjera si Boyfriend Dungeon, Curse of the Dead Gods, Library of Ruina, Starmancer dhe më shumë.