Xbox Game Pass ka shtuar një lojë të re nga EA Play

Si pjesë e abonimit të saj, abonuesit e Xbox Game Pass kanë akses edhe në një pjesë të mirë të lojërave të EA Play. Dhe tashmë një lojë e re i është bashkuar këtij abonimit.

Këtë javë, EA Play shtoi në librarinë e saj lojën Lost in Random dhe Larry Hryb nga Xbox ka konfirmuar se kjo lojë do të jetë pjesë gjithashtu e Xbox Game Pass.

Lost in Random është lançuar gjatë shtatorit të vitit të kaluar në platforma të ndryshme dhe mori goxha kritika pozitive. Loja është zhvilluar nga Zoink, është third person aksion aventurë dhe sjell elementë të ndryshëm RPG.

Lost in Random iu vendos në rolin e Even e cila duhet të shpëtojë motrën e saj, Odd. Dhe për ta bërë këtë gjë, Even duhet të eksplorojë Kingdom of Random dhe “six shadowy realms” e tij. Secili nga këto realms është një arenë e inspiruar nga lojërat board gamës dhe ku lojtarët duhet të përshtatin strategjinë e tyre shpesh.