Wordle | Loja më e fundit falas që po bëhet virale

Me siguri të gjithë keni dëgjuar për lojën më të fundit virale të quajtur Wordle. Por çfarë është në fakt Wordle dhe si u bë kjo lojë kaq popullore dhe virale.

Çfarë është Wordle?

Worlde është një lojë me fjalë e cila sjell çdo ditë fjalë të reja për t’i gjetur ose zbuluar. Është goxha e thjeshtë dhe e lehtë për t’u luajtur dhe mund ta provoni vetëm njëherë në ditë. Çdo 24 orë një fjalë e re do të shtohet ku do t’iu duhet që të zbuloni çfarë është.

Website i Wordle i shpjegon shumë mirë rregullat e lojës të cilat mund t’i gjeni në imazhin e mëposhtëm.

Ndoshta po pyesni veten pse është kaq popullore. Sipas The New York Times, mbi 300,000 njerëz e luajnë këtë lojë në ditë. Ndër arsyet pse njerëzit e luajnë është se ju do të keni një puzzle e cila është e njëjtë për të gjithë lojtarët kudo në botë. Dhe kjo e bën interesante pasi mund të bisedoni me miqtë tuaj dhe gjithashtu të ndani me ta progresin tuaj në mediat sociale.

Kush e ka krijuar Wordle

Wordle u krijua nga inxhinieri software Josh Wardle i cili ka punuar më përpara me Reddit për krijim e shumë projekteve të ndryshme si Place ose The Button. Wordle ishte krijuar si një lojë për partner e tij i cili është një fans i lojërave me fjalë. Dhe kjo bëri që ai ta bënte këtë lojë publike gjatë vitit 2021.

Ju mund ta gjeni lojën Wordle në website e The New York Times i cili e bleu lojën dhe e bëri pjesë të vetes. Fatmirësisht loja do të qëndrojë akoma falas për t’u luajtur.