Ubisoft ka konfirmuar se Watch Dogs: Legion do të jetë free-to-play për një kohë të kufizuar këtë fundjavë.
Duke filluar nga e premtja, pra sot, 3 Shtator, aventura open-world e hakerëve do të jetë e disponueshme për të provuar në PlayStation 5, PlayStation 4, Xbox One, Xbox Series X/S, PC dhe Google Stadia nëse e përdorni.
Lajmet për fundjavën falas u konfirmuan përmes një postimi në Ubisoft. Edhe më mirë, shumica prej jush mund ta bëni lojën pre-load paraprakisht me platformat tuaja përkatëse, kështu që nuk humbni kohë.
Lojtarët e PC mund të zgjedhin të kalojnë ose në Epic Games Store ose në Ubisoft Store. Për disa arsye, përdoruesve të Xbox nuk u është dhënë mundësia për të bërë pre-load.
Ashtu si me të gjitha fundjavat falas të Ubisoft, çdo progres që bëni gjatë kohës tuaj me lojën do të mbartet, nëse vendosni të blini lojën.
Nëse doni të mësoni më shumë për Watch Dogs: Legion, mund të lexoni review-në tonë të plotë për të.