Uncharted për PC bëhet leak bashkë me datën e lançimit

Naughty Dog ka qenë i qetë për një kohë të gjatë kur bëhet fjalë për version në PC të Uncharted. Por tashmë kësaj i ka ardhur fundi pasi aksidentalisht Uncharted për PC është bërë leak bashkë me datën e lançimit.

Ky zbulim ka ardhur nga Wario64 i cili ka njoftuar nëpërmjet Twitter se Epic Games Store shtoi një postim rreth Uncharted dhe e hoqi atë menjëherë. Në këtë postim, Epic dhe Daughty Dog njoftuan se Uncharted: Legacy of Thieves do të vinte për Steam dhe Epic Games Store dhe nëse e bëni preorder lojën nga Epic ju do të merrni një Glider në Fortnite të Sully’s Plane.

Ndërkohë nuk kemi akoma informacione se kur do të vijë Uncharted: The Nathan Drake Collection, i cili përfshin 3 lojërat e para të serisë Uncharted. Leaks rreth lançimit në PC të lojërave Uncharted kanë qarkulluar për një kohë të gjatë dhe mesa duket data e lançimit të tyre është goxha afër.