Bandai Namco dhe ekipi Tekken zbuluan Tekken 8 të martën, duke treguar pamjet e para të lojës luftarake të next gen. Traileri i parë për Tekken 8 debutoi gjatë ekspozitës së Sony State of Play dhe tregoi personazhet kryesorë të Tekken Jin Kazama dhe Kazuya Mishima duke sjellë nostalgji për lojën klasike të Tekken.
Sipas producentit të serive Tekken, Katsuhiro Harada, traileri i parë për Tekken 8 është “marrë drejtpërdrejt nga një pjesë e caktuar në story mode të Tekken 8 në vazhdimësi, i luajtur në PlayStation 5”.
“Me fjalë të tjera, të gjitha modelet, sfondet dhe efektet e personazheve janë të njëjtat që përdoren në lojë,” shpjegoi Harada në një postim në blogun e PlayStation të Sony. “Megjithëse kjo është kapur nga story mode, nuk është një film pre-rendered i bërë për trailerin, por më tepër filmim i realizuar në kohë reale, që funksionon me 60 FPS, ngjashëm me mënyrën se si do ta përjetonit lojën në fight mode. (Sigurisht, disa nga efektet, dialogët si dhe këndi i kamerës janë duke u përditësuar dhe mund të ndryshojnë kur të nisë loja.)”
Një datë e lançimit për Tekken 8 nuk u njoftua. Bandai Namco tha thjesht “Stay Tuned” për më shumë informacion. Pavarësisht se u njoftua gjatë një transmetimi të drejtpërdrejtë të PlayStation, Tekken 8 nuk është ekskluzive për PS5; loja luftarake po vjen edhe në Windows PC dhe Xbox Series X.