Video lojërat janë një trend në rritje dhe një pjesë e mirë e tyre iu ofrojnë mundësinë që të shpenzoni para kundrejt skins, DLC dhe më shumë. Dhe këtu lind pyetja se sa para shpenzon mesatarisht një gamer në video lojëra.
Dhe ky studim është kryer nga All Home Connection sipas raportit që TheGamer ka publikuar. Në këtë studim kanë marrë pjesë afërsisht 1000 amerikanë të cilët luajnë video lojëra dhe të cilët iu janë përgjigjur pyetje në lidhje me se sa shpenzojnë. Dhe ndoshta rezultatet kanë për t’iu çuditur.
Nga studimi i bërë, një gamer mesatar shpenzon afërsisht 76 dollarë në muaj në gaming ose afërsisht 58,000 dollarë gjatë gjithë jetës së tyre. Sa për sqarim, koha që përfshin “gjithë jetën” është midis moshës 16 vjeç deri në 80 vjeç.
Për sa i përket grupeve të moshës, grupi që shpenzon më shumë është millennial(personat e lindur midis vitit 1981-1996) me një vlerë prej afërsisht 86 dollarësh në muaj dhe 66,000 dollarësh gjatë gjithë jetës së tyre.
Pas tyre vjen Gen Z(personat e lindur midis vitit 1997-2012) të cilët shpenzonin afërsisht 80 dollarë në muaj dhe 61,500 dollarë gjatë gjithë jetës së tyre.
Dhe për “t’ua shtuar më shumë dhimbjen”, ky studim ka zbuluar edhe se sa para do të kishin nëse nuk do të shpenzonit asnjë para në gaming ose vide lojëra. Dhe sipas këtij studimi, Gen Z do të kishin kursyer afërsisht 285,000 dollarë dhe millennial afërsisht 300,000 dollarë.
Dhe sa për sqarim, këto studime janë kryer jashtë Shqipërisë dhe janë goxha të përgjithshme. Asnjë informacion nuk është 100% i saktë por janë të përafërta.